Nederlandsche gedichten uit de veertiende eeuw van Jan van Boendale, Hein van Aken e.a.

Wies raet men scuwen sal. C. XXII.

ANe den sot soect ghenen raet
Want die sotten / dat verstaet /
Minnen sotheyt / spade en̄ vroe /
En̄ keren haren sin daer toe.
Langhen raet / hoe dat gheyt /
Dunct hem altoes sotheyt.
Vremde dinc willen si weten

[p. 63]

 

En̄ haers selfs vergheten.

1730

Salomon seyt / die wise here:

 

Ghine sult spreken nemmermere

 

Wijsheyt in des sots oren;

 

Mant hine souts niet gerne horen

 

En̄ soude uwe leringhe versmaden.

1735

Maer die wise es so beraden

 

Dat hi wijsheyt gherne hoert /

 

En̄ met rade werket voert.

 

So men den sot meer castijt

 

So sine sotheyt meer ghedijt.

1740

En̄ wet oec dat die wise man

 

Ghene raste ghehebben en can

 

Alse hi biden sot es

 

Also ons Salomon doet gewes;

 

Want wat die sot seghet of doet

1745

En dunct den wisen man niet goet.

 

Daer om doet hem grote pine

 

Biden sot dicke te sine.

 

Men spreect daer een ghemeyne waert /

 

Dat hi doet een goede dach vaert

1750

Die hem des sots te livereert;

 

Want sijn sin es al verkeert.