Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 59]
| |
Hoe men aen anderen raet soeken sal ende aen wien. C. XXI.HEm dien ghi raets wilt vraghen /
En suldi niet ghewaghen
1620[regelnummer]
Uwen raet noch uwen moet /
Noch ontdecken wat u dochte goet;
Want hijs u lichte volghen soude
Omdat hi u lieve doen woude;
Want vele liede sijn in dien
1625[regelnummer]
Dat si volghen ende vliën
En̄ dat liefste bringhen voert
Dat haer vrient gherne hoert /
Weder het si goet of quaet.
Ghi sult oec soeken uwen raet
1630[regelnummer]
Aen vriende die ghi best betrout
Die wijs sijn en̄ daer toe out;
Want doude heeft vele ghesien
En̄ weet van desen en̄ van dien:
Daer om moet sinen raet
1635[regelnummer]
Sekerste sijn / dat verstaet.
Salomon seghet die here:
Dat herte verhoghet sere
Van cruden van soeten goren /
Maer boven al te voren
1640[regelnummer]
So verhoghet / vroech en̄ spade /
Die ziele van des goeds vrients radeGa naar voetnoot1;
Want daer af emmer comen moet
Ere / doghet / en̄ alle goet.
| |
[pagina 60]
| |
Gheen dinc en es soeter dan
1645[regelnummer]
Een vrient daer jeghen een man
Spreken mach elke sake /
Ofte hi jeghen hem selven sprake.
Salomon leert ons / die coninc /
Dat vrient gaet boven alle dinc
1650[regelnummer]
En̄ datmen die minnen soude
Boven ghesteynte / zilver of goude.
Salomon seghet ons oec noch voert:
Ghetruwen vrient een starc confort;
En̄ so wie die vindet dat /
1655[regelnummer]
Hi vint enen groten scat.
Die mensche es / die sonder vrient leeft /
Als een lichaem die ghene ziele en heeft.
Vrient es een groet ondersate /
En̄ bringhet in meneghe bate;
1660[regelnummer]
Maer soe wie vriendeloes es /
Es ellendech / sijts gewes /
En̄ sonder raet / als hijs bedarf /
Dit ghevalt menech warf.
Ghi suit die vroede besoeken
1665[regelnummer]
En̄ sonderlinghe haers raets roeken
Dat hebbic daer bi gheseghet:
Wet dat die wise man dreghet
Altoes sine wapene nacht en̄ dach
Ieghen dat hem yeman deren mach.
1670[regelnummer]
Daer om werct na hem met allen.
Sone moghedi niet lichte vallen;
Want die wijsselijc over tiet
Die en valt vander brugghen niet.
Dat ic u voert dede verstaen
| |
[pagina 61]
| |
1675[regelnummer]
Dat ghi te rade soudt gaen
Vrienden die ghi / in stonden /
Goet en̄ ghetruwe hadt vonden /
Dat es daer bi / wildijt weten /
Men vint liede die goet heten /
1680[regelnummer]
Die so loes sijn en̄ so guaet /
Si souden u lichte gheven raet
Daer ghi bi wordt onteert /
Als ons Sinte Ian dapostel leert.
Hi spreeet: En gheloeft niet
1685[regelnummer]
Allen gheesten wats ghesciet /
Want si alle niet en sijn goet
Al schinen si van buten vroet.
Maer den gheest suldi gheloven
Dien God onse Here seynt van bovenGa naar voetnoot1.
1690[regelnummer]
Ic seyde u oec datmen soude
Raet soeken ane die oude.
Die goede Iob seyt alsoe:
Den ouden hoert wijsheyt toe.
Cassiodorus spreect oec van desen:
1695[regelnummer]
Die oude moet oec vroeder wesen
Die ane vele lieden heeft gheleert
En̄ dat in sijn herte heeft ghekeert /
Dan die jonghe die van dien
Luttel ghehoert heeft en̄ ghesien.
1700[regelnummer]
Daer om seghet een wise aldus /
Wies name es Mariatus:
Oude cledere versoemt men lichte;
| |
[pagina 62]
| |
Maer ouds mans raet es goede ghichte.
Men pleghet te segghen herde vast
1705[regelnummer]
So wanneer doude hont bast /
Datmen dan sal uut sien.
Vele liede nochtan vliën
Den raet vanden ouden;
Want si duchten dat si souden
1710[regelnummer]
Ghereckelijc willen gaen voert
Alsoe der eersaemheyt toe behoert /
En̄ hadden liever / dat verstaet /
Scalke liede en̄ losen raet
Daer men gonssticheyt in toende /
1715[regelnummer]
Dat noyt manne wel en loende.
Open raet es oec goet;
Want vele liede sijn meer vroet
Dan luttel / wildijt verstaen/
Oec salmen dicke te rade gaen /
1720[regelnummer]
Tote datmen dbeste vinden can/
Dus scrijft ons die wise man.
|