Nederlandsche gedichten uit de veertiende eeuw van Jan van Boendale, Hein van Aken e.a.

Van heymelijcheden niet te segghene, en si om noel of om orbore. C. XX.

UWe heymelijcheyt suldi
In u houden besloten vry /
En̄ daer af nieman vragen raet.
In wat poente dat u staet /
Ghine moghes ghebetert wesen.
Ihesus Sydrac spreect van desen:
Vrienden noch vianden uwen sin
En suldi ontdecken meer no min.
En̄ eest dat ghi daer met sijt bevlect /
Dat ghijt niemant dan ontdect;
Want alse hijt hadde ghehoert
Soude hi u versmaden voert.
Dan moesti te sinen dienste horen
Daer ghi vrij waert te voren¹.

Een wijs man spreect: In vinde cume

1 Vglk. Eccli., 19, 8-9.

[p. 58]

 

Enen mensche in alt gherume

1590

Die heymelijcheyt wel hale

 

Hoe nauwe ment hem bevale.

 

Petrus Alphontius seyt:

 

Wanneer ghi uwe heymelicheyt /

 

Die in uwes herten kerker es ghevaen /

1595

Enen anderen voert doet verstaen /

 

So heeft hi u in dien stonden

 

In sinen kerker ghebonden.

 

Seneca spreect / die wise man /

 

Of een hem selven niet en can

1600

Te sprekene verbieden

 

Hoe sal hijt enen anderen verbieden.

 

Wildi dan des gheroeken

 

Dat ghi aen vriende wilt raet soeken /

 

So suldi te voren besien

1605

In wat manieren en̄ aen wien.

 

Soecti dan raet dies ghi behoeft /

 

Ane enen vrient ongheproeft

 

Dat es sere ter avonturen

 

Hoe hi dat sal beruren.

1610

Soecti oec raet ane eneghen man

 

Daer ghi trouwe hebt vonden an /

 

En̄ hem ontdect al uwen sin /

 

Daer leghet avonture oec in;

 

Want men dicke grote vrienscap

1615

Heeft sien keren in viantscap.

 

En̄ dan mochte hi uu beraden

 

Vele pinen ende scaden.

Vs. 1589. H. In al dese werelt rume.