Logo DBNL
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Van haesticheden te scuwen in rade. C. XIX.

1540
HAesticheyt / vroech en̄ spade /
 
Salmen scuwen inden rade;
 
Want haesticheyt in vele dingen
 
Can niet luttel archs in bringen.
 
Men vint heden enen raet
1545
Lichte / men vintene morgen quaet.
 
Men vint enen beteren dan.
 
Men seyt: Hets een wijs man /
 
Die saen een dinc verstaen heeft /
 
En̄ traechelijc sijn vonnes gheeft.
1550
Den raet die men langhe tracteert /
 
Wert gherne int beste ghekeert.
 
Men heeft dicke gheseghet vore nu /
 
Na haesteghen raet / goet berou:
 
Daer om en suldi / hoet gaet /
1555
Haestelijc gheven no nemen raet;
 
Maer met goeder gestadecheyt /
 
Also ons Seneca seyt /
 
Selen wi met voersienecheyden
 
Alle onse dinc beleyden /
1560
So machmen segghen / hoet gaet /
 
Dese heeft ghewracht sonder raet;
 
Hadde hi goets raets gepliën
 
Dat en hadde niet moghen ghescien.
 
Goeden raet heeft altoes eere
1565
En̄ vroemt oec harde zere;
 
En̄ mere in rade can
 
Maken den wisen man:
 
Maer lanc raet / des sijt vroet /
 
En dochte noyt sotten goet;
1570
Want die sot doet sonder beyden
 
Alle dinc met haesticheyden
 
En̄ en peynst / groet no smal /
 
Wat daer na volghen sal.

Vorige Volgende