Nederlandsche gedichten uit de veertiende eeuw van Jan van Boendale, Hein van Aken e.a.

Prudentia antworde op sotheyt. C. XV.

PRudentia sprac na haer ghevoech:
Al en sidi niet vroet ghenoech /
Nochtan en sidi sot niet;
Want die hem selven sot siet
Ende kint sijns selfs dwaesheyt /
Hine es niet sonder wijsheyt.
Maer waert dat ghi vroet sijn woudt
En̄ andere liede voer sot dan houdt /
So waerdi sot sonder waen.
Salomon doet ons verstaen
Die sot in sinen moet /
En houdt nieman over vroet.
Den sot dunct / des sijt gewes /
Dat sijn dinc altoes dbest es
En̄ wien dunct dat hi vroet si /
Dats een sot / gheloves mi;
Hets waer / want ghi begheret raet
Dan dinghen die ghi niet en verstaet.

[p. 49]

 

Die sine clappage wille keren

 

Boven der wiser leren

 

Met hoverdegher sotheyt.

1340

Daer om eest dat Cathone seyt:

 

Dierste doghet es vanden man

 

Dat hi sijn tonghe bedwinghen can.

 

Salomon seyt: Die houdt sinen mont /

 

Hoedt sine ziele talre stont /

1345

En̄ wie dat spreect onvoersien

 

Dicke moete hem daer af messcien;

 

En̄ vele sprekens / als wi lesen /

 

En mach sonder sonde niet wesen/

 

Maer die sijn lippen maten can

1350

Es wijs / seyt die wise man.

 

Daer twifel ane leyt in lot/

 

So sidi bat vroet dan sot.

 

Die wise paeus Innocentius

 

Scrijft in sine boeke aldus:

1355

Hi twifelt meest / die meest verstaet.

 

In twifel salmen soeken raet;

 

Die vele wilt connen en̄ luttel can

 

Bedrieghet meest hem selven dan.

 

Van dat ghi claerlijc niet en verstaet

1360

Des nemt metten wisen raet /

 

En̄ den sot en ghelovet niet

 

Daer ghi met valt in verdriet.