Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
[pagina 50]
| |
1365[regelnummer]
Yrst aen Gode / sijts gewes /
Die wijs en̄ almechtich es.
Ia met innegher herten
En̄ met oetmoedigher begherten;
En̄ hi salt doen / gheloves mi /
1370[regelnummer]
Op dat dine bede orberlijc si.
Den anderen raet sal die man
Ane hem selven soeken dan
Met groter voersienecheyden
En̄ daer op langhe genoech beyden.
1375[regelnummer]
Derdewerf salmen soeken raet
Ane wise liede / dat verstaet /
En̄ wijsselijc merken inden moet
Weder die raet si arch of goet.
Maer emmer dat ghi niet en ghewaget
1380[regelnummer]
Den ghenen dien ghi raets vraget /
Wat u selven goet dochte;
Want lichte dat hi mochte
U volghen om dat hi
U lieve woude doen daer bi.
1385[regelnummer]
Dat wi ane Gode / hoe dat gaet /
Emmer selen soeken raet
Dat bescrijft Sinte Iacob wel
Int beghin van sijnre epistel:
Die der wijsheyt wille roeken
1390[regelnummer]
Salse aen Gode yrstwerf soeken
Diese mildelijc gheven canGa naar voetnoot1/
So waer dat doghet leget an
En̄ altoes Gode danken mede.
| |
[pagina 51]
| |
PaulusGa naar voetnoot1 seget in ene stede:
1395[regelnummer]
Al dat ons in dit leven
Van boven wert ghegheven
Vanden ewighen Vader /
Dat es volmaect algader.
Dit seyt Ihesus Sydrac
1400[regelnummer]
Die menech wijs woert sprac /
Hi sprac: Die scalke rade vinden
Dat si op hem selven winden;
Ia alsijs alder minst moeden
Ghemene rechte ons bevroeden /
1405[regelnummer]
Dat wi bidden en selen niet
Wat onrecht es / wats ghesriet.
Want daer om wet wel dat
Valt die mensche in Gods hat;
Want hijs hem belghet herde zere /
1410[regelnummer]
Want hi es der werelt here.
Na dien dat smenschen raet
Sonder Gods hulpe onvast staet /
En̄ wi sonder sijn ghehinc
En moghen doen ghene dinc.
1415[regelnummer]
So selen wi yrst sonder letten
Onsen raet aen Gode setten
En̄ ane sine gherechtichede /
En̄ hi sal ons daer mede
Al goet werpen toe
1420[regelnummer]
Wi en selen weten hoe;
Want hi spreect / als men daer siet:
Sonder mi en moghedi doen nietGa naar voetnoot2.
|