Nederlandsche gedichten uit de veertiende eeuw van Jan van Boendale, Hein van Aken e.a.

Melibeus antworde. C. XIV.

DOen Melibeus hadde ghehoert
En̄ verstaen der vrouwen woert /
Antworde hi en̄ seyde:
‘Vrouwe / alsulke wijsheyde
En hebbic niet van binnen;
Noch en wane meer ghewinnen.
Ic hebbe mine joncheyt overleden;
Maer doen ic was in joncheden
Haddic minen sin gheleyt
In die ghenoechte der werlecheyt.
Al woudic wijsheyt nu leren /
In conster mi nu niet toe bekeren.
Al benic noch een rijc man
Ic hebbe vele goets ghequist nochtan
Dat ic beyde / goet ende tijt verlies
Wel bewenen mach / sijt seker dies.
Tgoet machmen verhalen nochtan
Maec den tijt en vechaelt nieman.

[p. 48]

 

Ic en mach voert ane niet leren /

1310

Noch om wijsheyt oec studeren;

 

Want so wie hem inder joghet

 

Niet en oefent toter doghet /

 

Hine caent/ alsmen wel siet /

 

Inder outheyt ghepleghen niet.

1315

Ende want ic mi dan kinne

 

Dwars en̄ onwijs van sinne.

 

So biddic u vrouwe dat ghi

 

Met uwen rade mi staet bi.