Nederlandsche gedichten uit de veertiende eeuw van Jan van Boendale, Hein van Aken e.a.

[p. 38]

Van sprekene. C. XII.

DIe wel wilt merken en̄ verstaen
Mach met vele sprekens niet omgaen /
Die swighere merct bat en̄ verstaet
Dan die met vele sprekens omme gaet.
Die spreken wilt sal voersien
Wat / wanneer / en̄ voer wien /
En̄ sine redene cort maken
Na dat toe hoert ter saken.
Swighen / seghet die wise man /
Dat vele dogheden maken can.
En es gheen dinc so quaet
Alse die clapper / dat verstaet /
Die sine clappage wille keren
Boven der wiser leren
Met hoverdegher sotheyt.
Daer om eest dat Cathone seyt:
Dierste doghet es vanden man
Dat hi sijn tonghe bedwinghen can.
Salomon seghet: die hoedt sinen mont /
Hoedt sijn ziele talre stont /
En̄ wie dat spreect onvoersien /
Dicke moeter hem af messchien.
Vele sprekens / also wi lesen /
En mach sonder sonde niet wesen /
Maer die sijn lippen maten can
Es die wijste / seyt die wise man.
Het es alte grote scande den man
Dat hi een loghen so cleden can

[p. 39]

 

Met sconen worden openbaer /

 

Dat si den lieden duncket waer.

 

Dat dunct den dwasen wijsheyt;

1040

Maer hets grote valscheyt.

 

Een dief / voer waer gheseyt /

 

Scaemt hem sijnre quaetheyt;

 

Maer een valsch loghenaer

 

Toghet sine valscheyt openbaer /

1045

En̄ wilt in valscheden keren

 

Dat vol es alder onneren.

 

Scaemt u dan / ghi advocate

 

Die om ghewin en̄ om bate

 

Recht met subtilen vonden

1050

Achter set / te meneghen stonden.

 

God heeft u in u leven

 

Alsulken sin ghegheven

 

Dat ghi u boeke versint

 

En̄ recht en̄ onrecht kint:

1055

Daer om en suldi niet verkeren

 

Dat recht Gods ons Heren

 

Dat Hi den wisen te kinnen gaf

 

Daer si scone boeke maecten af.

 

In disputatiën of in ghedinghen

1060

Suldi u redene so toe bringhen /

 

Dat ghi metter waerheyt gaet voert

 

En̄ dat ghi u oec niet en stoert:

 

Want ghestoertheyt / dat ghijt wet /

 

Des menschen wijsheyt zere ontset.

1065

Daer men van wijsheden sprect

 

Of andere goede dinghen vertrect

 

Daer en suldi niet bringhen voert

[p. 40]

 

Daer ghi die redene mede stoert.

 

Der wijsheyt boven alle saken

1070

Salmen altoes stede maken.

 

In luttel sprekens leghet grote bate

 

In vele sprekens grote ommate.