Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 35]
| |
Toter dinc / lude en̄ stille /
920[regelnummer]
Daer hi in studeren wille /
Met groter ernste / gheloves mi.
Ia in dinc die orberlijc si /
En̄ die den man moghen bringhen
Cot goede en̄ tot hoghen dinghen.
925[regelnummer]
Men salt yrst leren dat men hoert /
En̄ dat namaels leren voert.
Nieman en sal / hebbic ghelesen /
Te vroech meester willen wesen;
Maer men moet pinen meneghen dach
930[regelnummer]
Eer men ten hoechsten comen mach.
En̄ oec ter eeren van ertrike
En mach men niet comen haestelike;
Men moet den tijt langhe liden
In sorghen / ende in arbeyden.
935[regelnummer]
Men sal yrst dat cleyne leren
En̄ dan toten meeren keren.
Het es beter / alsic versta /
Datmen neder opt cleyne ga /
Dan of men boven opt hoghe liepe /
940[regelnummer]
En̄ dan neder viele int diepe.
Een jonghere die wille leren /
Sal sinen meester eren /
En̄ hem oec sijn onderdaen /
En̄ met hem oec gherne gaen:
945[regelnummer]
Want hijt hem gherne sage ontsaen
En̄ met onderscede doen verstaen.
Also die meester heeft voren.
Ionghers die ernstelijc horen/
So glorieert hi in dat
| |
[pagina 36]
| |
950[regelnummer]
Ende leset hen vele te bat.
Nieman en utet gherne sijn woert
Daer mense niet gherne en hoert.
Die jonghere en mach / als wi lesen /
Niet boven sinen meester wesen;
955[regelnummer]
En̄ dat hi in die scole hoert /
Sal hi thuus vertrecken voert /
En̄ dicwile in sijn herte verslaen /
Sone maecht hem niet ontgaen.
Men moet pinen ende arbeyden
960[regelnummer]
En̄ met ernste daer in verbeyden;
Want roekeloesheyt voer waer /
Es een stiefmoeder harde swaer /
En̄ ernsticheyt / alsic bevroede /
Es moeder van allen goede.
965[regelnummer]
Met arbeyden mach men comen
Tot groter eren ende te vromen;
Ende alle onsalichede
Can volghen der ledechede.
Die studeren wilt dat hi siet
970[regelnummer]
En sal haestelijc liden niet;
Maer met goeden staden sal hi
Die Scrifture gronden wat si si
En̄ na die waerheyt dat verstaen.
Die Scrifture heeft bevaen /
975[regelnummer]
In worden dEwangelie al;
Maer wet datmen en sal
Op die woerde niet studeren
Maer men sal wijsselijc gronderen
Dat march vander redelijcheyt
980[regelnummer]
Die oec inden worden leyt.
| |
[pagina 37]
| |
Also die ziele / dat ghijt wet /
Inden lichame es gheset
Also es den sin vander Scrifturen
Boven alder woerde ruren.
985[regelnummer]
Paulus doet ons verstaen /
Die littere can doet slaen
En̄ die gheest can levende makenGa naar voetnoot1.
Nu horet bediet van deser saken.
Grote clerken / wet dat wale /
990[regelnummer]
Die hem fonderen altemale
Op die littere en̄ op die woert
Om scoen te vertrecken voert /
Verheffen hem in haren sin /
Ende doden hen daer in;
995[regelnummer]
Maer die haer ziele minghen
Metter heyligher leringhen
Die de litteren uut gheven /
Dat maect in hem een leven.
Dan wercter die heylighe Gheest inne /
1000[regelnummer]
En̄ volmaect die Gods minne.
Die Ioden / wildijt weten /
Hebben Bibelen en̄ Propheten /
Maer si verstaen die litteren bloet;
Daer om slaen si hare ziele doet.
1005[regelnummer]
Die littere en soude doghen niet
En dade die sin diere men uut tiet.
Aldus selen hem bekeren
Studenten die willen leren.
|
|