Wortoe d'e tan abra

Bloemlezing uit de Surinaamse poëzie vanaf 1957

[p. 36]

Johanna Schouten-Elsenhout

Ini a jongoe 'manten-dow
Mi 'pokaitongo
Joe djompoe tanapoe
Lek wan boesbromki
Di moe tjar jepi kon

Ini a faja déten-son
J'e troes ede f'mi si
A krakti f'joe gro
Di e sor en srefi a mindri
Den tranga boesi-tité.

Ini a mofoneti-doengroe
Mi 'pokaitongo
Joe opo tanapoe
lek a moenkenki na loktoe so krin
Foe sor a pasi pe njoenlibi e bigin.

Noti no hé so
Lek a sten
D'e bari
In joegoe joegoe f'a dé

A sten moi
A krakti
A n' abi farsi
Wins tranga winti
E séri en kon

[p. 37]

 

Oema i hé

 

J'e brenki

 

I n'e kanti

 

A mindri stré

 

F'aladé

San a mi?
Wan klodroe doti nanga kra
Wan libisma
Wan sjatoe bro
a mindri
hopoe bribi lobi nanga ségi
Wan sondoe bokoe
a mindri grontapoe wé
Wan dedetaki a wan bon
a mindri Gado glori
tokoe m'e fir mi sref
ber a mindri winti son nanga alen
lek wan porfroktoe a ondrogron
Libi!
Sososkin mi si dé fesi
Sososkin m'e dede

Mi no wani
wan ati
di n'abi kra
mi wani
wan jeje d'e libi

[p. 38]

 

mi n'e wer

 

soesoe

 

di n'e fit mi

 

m'e wer

 

mi égi krompoe

 

 

 

mi n'e sdon

 

loekoe

 

a fesi foe sma

 

m'e loekoe ini

 

mi égi spikri

Mama lobi ke so krin so diri
di djamanti noman f' bai
ai d'e brenki lek granaki
f' soso lobi nanga boen
a winti d'e pré a mi fesi
a fréri nanga joe nen

mama ati mi donsoe koensoe
pasensi e brantmarki joe nen
m'e jere joe sten so hé
lek wan pikolet e froiti a loktoe
mindri den bromki
di opo so moi

a bradi lafoe atap joe fesi
e tai mi jeje ibridé
mama joe ati a gowtoe
di'm wani f' kibri alaten
mama lobi a sribikrosi
a no e tap dede ma e tapoe sjen.

[p. 39]

poewema kondre

 

Wan poewema

 

sa dres den siki

 

a sa sor den soromarki alape

 

Wan poewema

 

sa dres wi f' lib lek brada

 

no f' njan lek oedoeloso a ondrosé

 

Wan poewema

 

sa ler wi f' no'm tap' ala

 

ma foe jepi alasé

 

Wan poewema

 

sa dres oen foe lobi di de fanowdoe ibrisé

 

Wan poewema

 

sa dres wi a mindri djaroesoe

 

mek ondrofeni opo wi ai

 

Wan poewema

 

sa dres wi f' tesi f' arwaka a retsé

 

Wan poewema

 

a wan faja hopoe f' grontapoe

 

pe ala kondre ab' en sé

 

Wan poewema

 

a wan onigodo

 

sondro garperki f' swari a mindrisé

 

Na maniri

 

fa j'e fanga en

 

Wan poewema a pritpangi

 

wan opo pré