* II. Grondslag en richting van een heilig leven *
Ghi sult weten, dat
fundament alder heilicheit <es>
Ga naar voetnoot3)
puerheit der conzienciën.
![illustratie](ruus001werk01fi0271.gif)
Ende hier-omme seldi u-selven prueven ende merken van uwen kintschen daghen. Ende vendi
Ga naar voetnoot4) yet in u dat ghi oordeelt dootzonde, daer-ave suldi u purgeeren vore uwen priester ende vore die ewighe waerheit gods, met rouwen, met biechten ende met ghenoech doene. Ende dan suldi hopen ende ghetrouwen sonder twifel der ghenadicheit gods, dat u uwe zonden vergheven syn.
![illustratie](ruus001werk01fi0272.gif)
Ende al heeft u god uwe sonden vergheven, nochtan suldi u altoes houden vore sine ontfermherticheit, ende met herten ende met begherten van binnen roepen: ‘Heere ontferm<e>
Ga naar voetnoot5) u <mijns>
Ga naar voetnoot6), armer sonderssen!’
![illustratie](ruus001werk01fi0273.gif)
Ghi selt uwe
ghemoede tot hem
verheffen met eeweghen love. Ende ghi sult uwe
begherte, met der goetheit gods, wide
ute-breiden tot allen heilighen ende tot allen [goeden]
Ga naar voetnoot7) menschen, met eewigher minnen. Ende ghi selt uwe
herte oetmoedighen ende
nederen met groter reverenciën vore die hoghe moghentheit gods, ende vore die voete ons heeren jhesu cristi.
![illustratie](ruus001werk01fi0274.gif)
Ende aldus seldi u oefenen, ende hier-ave maken eene hebbelycheit
Ga naar voetnoot8) ende een abyt
Ga naar voetnoot9), daer ghi in woenen ende wandelen sult alle uwe leefdaghe.