Werken. Deel 4. Dat rike der ghelieven. Vanden vier becoringhen. Vanden seven sloten. Van seven trappen

[p. 61]

Dat boec van seven sloten.

[p. 63]

Dat boec van seven sloten⁽¹⁾.

Prologhe.

Lieve Suster, boven alle dinc
Si God ghemeint en̄ ghemint;
En̄ sedt u in die nederste stat,
Soe moechdi volclymmen den hoechsten pat.
Dit hebdi gheloeft en̄ ghezworen:
Houdijt wel, ghi sijt vercoren.
Ghevoeldi in u dat onghehoirsam es,
Dat seldi haten alse stinkende mes.
Haet in u alle ondoecht,
En̄ die verdrijft soe waer ghi moecht;
Mint u selven ten dienste ons Heren,
Soe sal u God die waerheit leren.
Nu willic rimen laten bliven,
En̄, sonder decsel, die waerheit scriven.

(1) In het Hs. G. luidt de titel als volgt: Hier beghint dat Boec vanden heylighen Sacramente of vanden ‧vij‧ Sloten, dat broeder Jan Ruybroech (sic) maecte, moninck wesende, eender heiligher nonnen Joncvrouwe Mergriete van Meerbeke, cantersse des cloesters van Sinte Claren te Bruselc.