Werken. Deel 2. Vanden gheesteliken tabernakel
(1858)–Jan van Ruusbroec–
Auteursrechtvrij|
Regelnummers proza verbergen
| |
[pagina 235]
| |
Dat wi Aaronne ende Moysesse gheliken selen. C. CLII.1Maer wille wi een sunderlinghe ghetughe ende een ghe- 2voelen hebben der inwoeninghen Gods in ons, alsoe dat 3alle onse werke ontspringhen ute den beweghene Gods, 4so moete wi Aaronne ende Moysesse gheliken: ende also 5alse si ·iiij· dinghe leiden in hare uutwendeghe arke, alsoe 6moete wi ·iiij· dinghe legghen in onse inwendeghe arke, 7daer wi Gode gheenicht sijn. 8Aaron luudt also vele alse een starc berchGa naar voetnoot(1); ende 9hier omme, willen wi Aaronne gheliken, so moeten wi starc 10sijn, ende ons verheffen boven alle dinc; ende also sele wi 11onse roede legghen vore de jeghewerdicheit Gods, in dien 12dat wi bekinnenGa naar voetnoot(2) dat wi van ons selven niet goets en 13hebben noch en vermoghen. Want met der roeden ver- 14stect men correctie, ende moghentheit: ende alse wi dit 15ane Gode soeken ende begheeren, ende van ons selven niet 16en houdenGa naar voetnoot(3), dan sal onse roede, dat es oase vermoghen, 17in der cracht Gods groeien ende bloeien, ende vrocht 18bringhen in dat eweghe leven. Ende dese roede met der 19vrocht sele wi altoes behouden in onse binnenste arke, daer 20wi met Gode gheenicht sijn. |
|