Werken. Deel 2. Vanden gheesteliken tabernakel

Regelnummers proza verbergen

Vander werdegher sacrificien Christi. C. CXIII.

21Ic wille voert spreken van der werder sacrificien die 22Christus dede tote onser salicheit.

23Alse hi dien nacht overleden⁽⁵⁾ hadde met groter con-

(5) Sur. Transacta nocte illa.

[p. 99]

1fusien, gheliker wijs dat vore gheseghet es, te priemtide 2leiddene Joden ende heidene ghebonden, met groten nide, 3ende met eenen tekene gheesteleker gherechticheit⁽¹⁾, ende 4met valschen ghetughe, vore Cayphasse, ende vore Pylatuse, 5ende vore Herodesse: ende hi wart versmaedt en bespodt 6alse ·j· doere⁽²⁾, verordeelt, ghehalsslaecht⁽³⁾ ende bespou- 7wen in sijn anschijn, ghecroent met doernen, anebeedt in 8sceerne⁽⁴⁾, ende gheslaghen met gheeselen ende met enen 9stocke van riete: ende menich ander torment, dat hi ghe- 10doechde, alsoe alse ons die Ewangelie leert. Ende hi doechde 11oec vele van buten ende van binnen, dat ons verborghen es 12ende niet bescreven. Ende aldus offerde Christus hem selven 13in die doet, omme onser alre salicheit; ende die vrocht van 14sijnre sacrificien wast ende vernuwet alle daghe in dat am- 15bacht der heilegher Kerken⁽⁵⁾. Want alle die dienst ende die 16ufeninghe, die met sijnre doet gheenicht es, die moet Gode 17altoes behaghen, ende en gheen ander. Ende hier omme sijn 18si alle verbannen ende vermaledijt, die alsoe leven ende ster- 19ven, datse Christus in sijnre sacrificien Gode niet gheoffert 20en heeft; maer die quaetste van allen desen dat sijn die ghene 21die also heilich wanen sijn⁽⁶⁾, dat si der doet Christi noch 22ufeninghe der heiligher Kerken niet en behoeven. Want 23gheliker wijs dat die Joden in der figuren alle daghe moesten

(1) Sur. et quadam spiritalis justitiae simulatione.

(2) Sur. Ubi velut fatuus, irrisus et contemptus est. Het verouderde door wordt by Kiliaen vertolkt door stultus, stolidus, socors.

(3) Sur. colaphis caesus. Het werkwoord is gemaekt van het subst. halslag, by Kiliaen colaphus, alapa.

(4) Sur. irridiculè adoratus. Kiliaen geeft het woord scherne, dat is spot, en vertaelt het door ludibrium, jocus, sanna. Hy geeft ook schernen, dat is spotten, schertsen.

(5) Sur. Fruetus autem sacrificii ejus per omnes dies in sanctae Ecclesiae officio ae ministerio crescunt ac renovantur.

(6) Thans zegt men te zyn. Sur. qui intantum sese sanctos arbitrantur. Zie over het wegblyven der prepositie, Grimm, Grammatik, IV, bl.117.

[p. 100]

1Gode offeren ·j· lam van ghemeinre cost, soude hare dienst 2vrochtbaer sijn ende Gode behaghen: alsoe moet nu die 3heileghe Kerke alle daghe in haerre sacrificien Gode offeren 4onser alre lam Jhesum Christum, sine passie ende sine 5heileghe doet, anders en mochte wi Gode nemmermeer 6behaghen. Ende hier ane moechdi merken dat alle heilicheit, 7van beghinne der werelt, ghefundeert ende ghewortelt es in 8die passie ende in die doet ons Heren.