Werken. Deel 2. Vanden gheesteliken tabernakel

Regelnummers proza verbergen

Vander heilegher olien der salvinghen. C. LVII.

14Hier na seldi horen hoe Moyses Aaronne ende sine sonen 15consacreerde, priestere te sine in der joetscher wet. Ende 16in den iersten mote wi merken hoe die olie ghemaect was, 17daer si mede ghesalft ende ghehelecht worden. Onse Here 18sprac tote Moysesse aldus: ‘Ghi selt nemen wale riekende 19crude specien, der ierster ende der ute vercorenster mir- 20ren⁽¹⁾, vifhondert siclen.’ Ghi selt weten dat elke cikle, in 21den ghewichte des heilechdoems, ene once⁽²⁾ bediet, ende 22aldus warent vifhondert oncen mirren. Ende hi sprect 23voert: ‘Ghi selt nemen cinamomen half alsoe vele, dat es 24twehondert oncen ende ·l·, ende twehondert oncen ende 25·l· calami, ende vifhondert oncen cassien. Ende ghi selt

(1) primae myrrhae et electae.

(2) In A en D. onse, in B. once, in C. onsche.

[p. 243]

1nemen olie van oliven ene mate diemen nuemt hin, dat es 2een sister; ende aldus seldi maken die heileghe olie der 3salvinghen. Dese salve sal te gadere ghevuecht sijn met den 4werke eens speciers⁽¹⁾; ende hier mede seldi salven dat 5tabernakel des ghetuuchs, ende die arke des testaments, 6ende die tafele met haren vaten, ende dien candelare met 7alle dien dat heme toe behoert, den outaer der wale riekender 8crude, ende den outaer der sacrificien, ende al dat te haerre 9beider ufeninghen toe behoret. Alle dese dinghe seldi heilech 10maken, ende si selen sijn heilech der heileghen⁽²⁾: diese 11gherijnt⁽³⁾, hi sal gheheilecht werden. Aaronne ende sine 12sonen die seldi salven ende heilech maken, op dat si mi 13dienen moghen in priesterscape. Ende ghi selt segghen den 14kinderen, dat es den volke van Israel: Dese olie der sal- 15vinghen die sal mi sijn heilech in uwe gheslechten. Ende 16gheens menschen vleesch en sal hier mede niet ghesalft 17sijn. Ende na die composicie deser salven en seldi ghene 18andre maken⁽⁴⁾, want si es gheheilecht, ende si sal u 19heilech sijn. Soe wat mensche⁽⁵⁾ al selke salve maect, 20ende daer ave gheeft enen vremde, hi sal verdreven werden 21van sinen volke⁽⁶⁾.’

22Siet, dit was die heileghe olie der salvinghen, die God 23Moysesse gheboet te makene, daer die priestere der Joden 24mede ghesalft worden ende gheheilecht, na wise der ouder 25wet. Ende dese olie was ene figure der heileghen olien, die

(1) compositum opere unguentarii.

(2) it erunt sancta sanctorum.

(3) qui tetigerit ea.

(4) et juxta compositionem ejus non facietis aliud.

(5) Alle de handschriften hebben verkeerdelyk menschen, in plurali. De Vulgaet zegt: Homo quicumque tale composuerit, et dederit ex eo alieno, exterminabitur de populo suo.

(6) Cfr. Exod. 30, 23-33.

[p. 244]

1Christus selve maecte, ende die eweleke duren sal, daer 2hi ons allen mede ghesalft heeft in den heileghen Gheeste, 3ende sunderlinghe die priesteren der neuwer wet, in eenre 4sunderlingher wijs, boven andere menschen.