Eglentiers poëtens borst-weringh
(1619)–Theodoor Rodenburg–
AuteursrechtvrijNon est mortale quod opto.ALs ick de spokery des werelds recht bezichte,
Het swervende ghetier, d'onheyle woeckery,
De vinn'ghe haet en nijt, en heur bedriegery,
Heur woelende ghetobbels ongegronde schichte,
Hoe loos, hoe valsch, hoe boos, hoe onstantvast en lichte
Heur wezen is, Ia niet als rechte unjery,
Een zotte mommekans, vol visevasery,
Ick voor die dulle feeckxkens grillen anghstich swichte,
'k Onboey myn hert en geest van heur rabrakent juck,
En breeck myn ickheyts aert om gantsch heur te begeven,
Verlaetend' heur schijn-luck, en poog na 't waerde luck,
Het sterflijck ick verfoey om eeuwichlijck te leven,
Ghewillich ick de schijn van all' heur missen mis,
En wensche yvrich na het gun onsterflijck is.
|
|