Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen
(1582)–Hans de Ries–
AuteursrechtvrijSingt met aendacht. HOe lieffelijck so syn O Heere,
| |
[pagina 151.r]
| |
 Uwe wooninghen ende seer reen,
Mijn siel verlangt en suchtet seere,
Naer uwe voorhouen Heer niet cleen,
Mijn lyf ende siele haer met een,
Seer verheugen ende verblyden,
In Godt die leeft tot allen tijden.
| |
[pagina 151.v]
| |
Want den vogel een huys heeft vonden
Ende oock die Swaeleme mede
Heeft eenen nest tot deser stonden
Daer sy haer ionghen leyt met vrede
Dat zijn O Heere met waerhede
Uwe altaren seer hooch gheacht
Mijn Godt en Coninck seer groot van macht.
Wel die ghene die daer woonen goet
In uwen huyse seer verheuen
Die louen v alle tijt seer soet
Salich is die mensch sonder sneuen
Die v hier houdt in desen leuen
Voor zijn sterckheyt in alle ghevaer
En die v van herten volghen naer.
Die hier alhier gaen door het iammer dal
Ende maken fonteynen aldaer
Die leeraers die worden tsamen al
Met vele seghens verciert voorwaer
Sy behouden douerwinning' claer
De een naer dander datmen siet wel
Den rechten Godt sy te Sion snel.
Heere Godt Zebaoth seer machtich
Aenhoort het roepen en bidden mijn
O ghy Godt Jacops sterck en crachtich
Verneemt mijn smeecken op dit termijn
Godt onsen schilt ende hulpe sijn
Aenschouwet toch ende oock aensiet
| |
[pagina 152.r]
| |
Dat rijck dijnes ghesalfden met vliedt.
Want eenen dach O Heere goedich
In v voorhouen en shemels troon
Is beter dan hier duysent spoedich
Ick wil lieuer die duere ydoon
Wachten in mijnes Gods huys seer schoon.
Dan lang te woonen op te wesen
Bijden Godtloosen seer mispresen.
Wandt een son en schilt is ons Heer Godt
Hy gheeft ghenade ende eere
Die vrome die houden zijn ghebodt
En sal hy niet tot gheenen keere
Laten ghebreecken nimmermeer
Heere Zebaoth † wel salich is Ga naar margenoot+
Den mensch die op v betrout seer wis.
FINIS. |