Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen
(1582)–Hans de Ries–
AuteursrechtvrijSingt met aendacht. SYt my genadich Godt mijn
| |
[pagina 149.v]
| |
 HEERE,
Sijt my ghenadich O Heere mijn,
Mijn siele betrout op v seere,
Onder die schaduw' der vloglen dijn,
Heb ick Heere mijn toevlucht seer fijn,
Tot dat het ongeluck vroech oft spae,
Van my wijc-
| |
[pagina 150.r]
| |
 ke ende voorby gae.
Ick roep tot Godt die Heer gepresen
Den alderhoochsten Heere seer goedt
Godt die hier mijn iammer in desen
Tot een eynde maket metter spoet
† Hy sandt vanden hemel en hielp soet Ga naar margenoot+
My van versmaetheden ende leydt
Godt sandt syn trouwe ende goedtheyt.
Met mijn siele ben ick gheleghen
Onder die leeuwen wreet ende quaet
Der menschen kindren opghesteghen
Sijn als een vlamme die seer opgaet
† Haer tanden die syn vroech ende laet Ga naar margenoot+
Spiessen en pijlen op der eerden
Ende haer tonghen scherpe sweerden.
Verheft v O mijn Godt verheuen
Ouer den hemel en v eer reyn
Ouer die werelt sonder sneuen
‡ Sy stellen my Netten in dit pleyn Ga naar margenoot+
En drucken mijn siel neder ghemeyn
Sy grauen voor my den cuyle siet
Maer selue vallen sy int verdriet.
Mijn hert is bereyt om te louen
O Godt mijn herte is nu bereyt
Om lof te singhen Godt hier bouen
Des waeckt op mijn eere niet verbeyt
† Waect op mijn psalter waect op met bescheyt
| |
[pagina 150.v]
| |
Mijn herpe van gheluyt seer schoone
Vroech wil ick opwaken ydoone.
Heer ick wil v dancken spoedich
Onder die volcken cleen ende groot
Ick wil v lof singhen Heer goedich
Onder die lieden van herten bloodt
Ga naar margenoot+Want v goedicheyt Heere minoot
Is also wijt Heerlijck ende fris
Als den hemel schoon wtghespreyt is.
En uwe waerheyt suyuer en claer
Is wtghestrecket breedt ende wijt
Ghelijck als die wolcken openbaer
Haer wtstrecken schoon in deser tijt
Verheft v O Godt ghebenedijt
Ouer die Hemlen v eer mede
Ouer alle des werelts stede.
FINIS. |