Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

Den xcv. psalm.

DINHOVT.

In desen Psalm vermaent Dauid die gheloouighe, om den Heere te dancken ende te eeren, ende leert haer voorder dat sy op des Heeren stem ende woort souden acht nemen, ende haer herten daer voor niet en souden laten verherden, gelijc haer voor Vaders in de woestijne gedaen hadden, waer door sy Godes toorne ouer haer verweckten.

Singt met aendacht.

COmt hier en laet ons inden Heer,

[p. 152.v]

 

 

⁺† Verblijden en verheugen reyn,

 

Laet ons Iuychen meer ende meer,

 

Den troost onses heyls int ghemeyn,

 

Laet ons tsamen met danck certeyn,

 

Voor syn aensicht comen al ghe lijck,

 

Ende hem met Psalmen Juy-

+ Eph. 5. b 19

[p. 153.r]

 

 

chen rijck.

 

Want een groot Godt die Heere is

 

Ende een groot Coninck vailliant

 

Ouer alle Goden ghewis

 

Wat d'Aerde brengt is in syn hant

 

Hem syn de hooghe Berghen want

 

* Sijn is de Zee hy heeftse bereyt ⁺

 

Sijn hant heeft het drooghe wtghebreyt.

 

Comt laet ons aenbidden altsaem

 

Knielen en nedervallen bloot

 

Voor den Heer onsen Godt bequaem

 

Die ons ghemaeckt heeft cleyn en groot

 

Want hy is onsen Godt minoot

 

* En wy dat volleck der weyden sijn. ⁺

 

En die schapen zijnder handen fijn.

 

Ist dat ghy Godes stem heden

 

Aenhoort so en verstockt toch niet

 

Uwe herten hier beneden

 

Ghelijck te Mirba is gheschiet

 

In die woestijn te Massa siet

 

Daer wy versochten de Vaders dijn

 

Voelden en saghen de wercken mijn.

 

Dat ick moyte had veertich Jaer

 

Met desen volcke en sprack vroet

 

Tzijn lieden die haer hert voorwaer

 

Den quaden wech in wil met spoet

+ Gen. 1. a, 9

+ Psa. 75. 13.
100. a, 1

[p. 153.v]

 

Dat niet wil leeren mijn wech goet

 

Dat ick swoer in mijnen toorne saen

 

⁺Sy en sullen in mijn rust niet gaen.

FINIS.

+ Nu. 14. 21.
Heb. 4. a, 3