Album Joannis Rotarii (Johan Radermacher)

[fol. 154r]

[100. Lucas de Heere, Aan de Malcontenten, 1580.]

1580 Aux Malcontens. [-Ennemis De nostre heur nous biens Contens predisons grand malheur]

Dictes moy malcontens! estes vous sy contens
De vendre voz honneurs, biens, et deniers contans
Voz villes et pays, a ce boureaulx du Pape
Qui soubz belle couleur vous surprend et attrappe?
Vous promettant ung ciel, et cependant voyez
Que tombez en enfer, tant [-F] fin que vous soyez.
Vous vous flattez en vain d'une folle esperance
[En+],De content[ant+],er le Roy par vostre contenance,
Lequel sera content quand il verra Pendu
Le dernier malcontent, avecq le Resydu:
Tant sont les ezpaignoez humains et contentables
Tesmoing leurs faictz passez pir[-r]es que detestables.
Ainsy serez contens en fin de recevoir
Ung tel contentement que meritez d'avoir.
Vous pretendez (semant grande [-confusion] contention)
Nous faire malcontens a vostre intention
Non, non,contentez vous comme bien contentez
Demeurerons contentz en mesme voluntez
Malcontentz touttesfoys, de malheurs et injures
Que souffre le pays, par vous doubles parjures
Desquelz Dieu, malcontent se vengera ung jour
Quand sentierez son ire, et nous sa [- bonne] ferme amour,
Et quand verrez tomber cest Antichrist Athee
Avecq toutte sa suycte assez mal contentee;
^* florira lesglise en grand contentement
Et le pays uny par amour et serment
Que sy vous revenez avecq l'enfant prodigue
Avecq nous vous rengeant, par bon accord et ligue
Et que de malcontens deveniez gens de bien
Vous recevrez trestous contentement sy bien
Que vous detesterez la malcontenterie
Autant que vous aymez le mal de la Patrie.

Finis

Par H.D.L.

* [In margine:] Lors Sy