Album Joannis Rotarii (Johan Radermacher)

[fol. 153r]

[99. Lucas de Heere, Aan de Malcontenten, 1580.]

Aux Malcontens ¹

Dictes moy malcontens, estes vous si contens
de vendre voz honneurs, biens et deniers contens
Voz villes et pays, a ces boureaux du pape?
Qui soubzbelle couleur, vous surprent a lestrappe.
Vous promettant un ciel, et cependant voyez
Que tombez en enfer, tant fin que vous soyez.
Vous vous flattez en vain d'une folle esperance
et contenter le Roy par vostre contenance
lequel sera content quand il sera pendu verra
le dernier malcontent, avecq le residu:
Tant sont les espaignolz, humains et contentables,
tesmoing leurs faictz passez, pires que detestables.
Ainsy serez contens en fin de recevoir
un tel contentement que meritez avoir,.
Vous pretendez (semant grande contention)
nous faire malcontens a vostre intention:
non, non contentez vous, comme bien contentez
Demourerons contens en mesmes voluntez:
Malcontens toutesfois, de malheurs et injures
Que souffre le pays par vous, double perjures
Desquelz Dieu, malcontent, se vengera un jour
Quand sentirez son ire, et nous de son Amour:
Quand vous verrez tomber cest Antechrist Athée
Avec'toute sa suytte assez mal contentée,
Si florira l'Esglise en grand contentement,
Et le pays uny par Amour et Serment:
Que si vous revenez avecq lenfant prodigue
Vous rengeant avec [-ave] nous en bon accord et ligue,
Et que de malcontens devenez gens de bien.
Vous en recevrez ^Ltous^L contentement si bien,
Que vous detesterez la malcontenterie,
Autant que vous aymez le mal de la Patrie.

Par D.L.D.G. 1580 ²

1 Malcontenten: verzetspartij tegen de Staten en Willem van Oranje in 1577-78; veel katholieke edelen en geestelijkheid uit de Frans sprekende gewesten. Doornik.

2 Deheere, Lucas de Gand.

[fol. 153v]

[blanco]