Album Joannis Rotarii (Johan Radermacher)

[fol. 151r]

[98. Pierre Assesaz jr, Klacht van de Inquisitie.]

Prosopopee de l'inquisition

Les anciens a bon droict ont dict que lavarice
est cause de tout mal, et source de tout vice
la convoytise aussi et la concupissance
qu'de cest'avarice ont tire leur naissance
nous monstrent tous les jours, combien de maulx amassent
ceulx qui par leur instinct quelque chose pourchassent.
les despouillant en fin, tant du bien pourchassé
que de ce qu'ilz auront jusqu'alors amasse,
pour leur faire scavoire quelle est la recompense
de s'estre gouvernes par leur concupissance.
De cecy pens je bien, a tous monstrer exemple
moy pouvre inquisition, Qu'un chascun me contemple,
j'ay tins en mon pouvoir, des long temps tout espagne
et froisse soubz mes pieds la sicile campagne
du tout je gouvernoys ainsi qu'il me sembloit,
et s' un mot je disoys tout le peuple trembloit
Bref j'ay este tenue en telle reverance
que Roys et leur subjectz estoyent en ma puissance
j'ay faict emprissonner les uns quand il m'a pleu,
les autres je faysois jecter vifs dans le feu,
Aucuns, ayant tenus dix ans aux basses fosses
avec les fers aux pieds, et aux bras chaines grosses.
Sortir je les faysois po.r rassasier mes sens
a me [-plonger] baigner dedans le sang des innocens.
Et pour monstrer a tou[t+],s quell estoit ma besogne
j'avoys po.r ma devise, le feu a qui en grogne,
menassant un chascun qui ne m'adoroit
que dans le feu ardant tout vif il brusleroit.
Par tout le pays bas estoyent mes estandards
et mes bons lieutenantz qui estoient nommes placquartz
lesquelz tenoyent le peuple en leur obeissance
Leur faisant bien sentir, l'effort de ma puissance.
Bref ceste terre estoit par eulx aussi traictee
tout ainsi que par moy l'espagnole contree.
Mais moy trop convoyteuse de ses pays tant beaulx
et faire ma demeure en ces terroirs nouveaulx
lasse de se tourner en la terre barbare
voisine des nations de la noire tartare
je fis tant de debvoire par ma subtille voye
qu'il me fust octroye tout ce que desiroye
Et en ses pays bas debvoys estre establie
et trouver ma veillesse et y finir ma vie,

[fol. 151v]

1

Mais tout ainsi qu'on voit la nef en mer coulant

 

a la petite voyle po.r eviter le vent,

 

voguer eguallement sans crainte de naufrage

 

la ou si le patron pour faire davantaige

5

et plustost attraper le butin souhaite

 

estant en son desir convoiteux arreste

 

hausse la plus grand voile, po.r avoir le devant

 

ne peult pas, resister, po.r la force du vent

 

qu'il ne heurte le roc auquel sa nef il brise

10

perdant sa nef, sa vie, avec sa marchandise

 

Prenant po.r sepulchre et tombe decoree

 

les flotz impetueulx, d'une vague salee,

 

Aussi moy tant sen fault que j'aye este receu

 

po.r faire ma demeure en la place conceu

15

Que non seulement moy mais aussi mes placquartz

 

ont este tout soubdain rejectes a lescart

 

et n'est plus tost tourne d'orient en occident

 

le chariot triumphal du soleil evident,

 

qu'on a veu mise bas, et dutout renversee

20

des placquartz et de moy la malice pensee,

 

je pensoys y trouver un morne populaire.

 

Qui se laissast mener du tout a ma maniere

 

mais j'y treuvay beaucoup qui faisoyent resistence

 

et bien peu se vouloyent soubmettre ma puissance,

25

Quant et quant se leva ceste grande noblesse

 

pleine de grands honneurs et pleine de prouesse,

 

ou faisoyent leur sejour tant de nobles seigneurs,

 

lesquelz jusques icy ont acquis grands honneurs,

 

Tous d'un commun accord resistoyent a l'effort

30

que j'avoys prepare po.r les livrer a mort,

 

et furent tant zeles d'un amour fraternelle

 

que pour eulx seulement ne prindrent la querelle

 

mais prevoyant les lacs lesquelz je faysoys tendre

 

pour de dans mes filetz tout le peuple surprendre

35

et ne pouvant souffrir ce malheureux outraige

 

que je leur preparoys et a tout leur lignage,

 

prindrent la cause en main pour du tout divertir

 

le mal que je pensoys leur faire bien sentir

 

pour a quoy mettre fin s'esleva dentre tous

40

ce vaillant brederod, qui fist cognoistr' a tous

 

les dangers evidentz qui leur estoyent prochains

 

si je pouvoys un jour, les avoir en mes mains,

 

et fust par son moyen le commun populaire

 

plus prompt a se monstrer estre mon adversaire,

[fol. 152r]

1

de sorte qu'un chascun me print en telle hayne

 

qu'on ne me desiroit moins que mortelle peine

 

doncq les seigneurs voyantz qu'ainsi j estoys haye

 

m ont de tout leur pays soubdainement banie

5

Si que des maintenant au lieu de l' heritaige

 

dont je pensoys avoir ce pays en partage

 

pour faire mon sejour dedans ces belles villes

 

pourveues tout autour de terres si fertilles

 

Ayant non seulement perdu le propre fons

10

de ce bel heritaige, mais aussi tous les bons

 

et tres gros revenus que annuellement

 

m en donnoit des placquartz le entretenement

 

m'estant tant gouvernee par ma grand convoytise

 

que je n'ay peu finir ma trop haute entreprise

15

me convient retirer a ma premier eschole

 

po.r revoir de rechef la contree espagnole

 

et illec me tenir tant que la nuicte obscure

 

les tiendra soubz le joug de lignorance dure,

 

sans plus avoir espoir ny moy n'aucun des [-bie] miens

20

de revenir icy pourchasser pour ces [-*.*] biens.

 

mais que (le jour venu que je crains approcher

 

que esclairerra si loin, que les plus hautz rochers

 

jusques a gibraltar voirront ceste lumiere

 

par laquelle l'espagne me repoussera arriere,)

25

ne treuvant plus au monde pays qui me recoive

 

n'aucun qui de ma fraude asses ne s'appercoyve

 

je maille retirer en la basse machine

 

la ou faict son sejour ma mere proserpine

 

et avec lucifer pere de mes ancestres

30

sejourner desormais aux infernalles estres

 

 

 

fin de la prosopopee sur la complainte de l' inquisition.

[fol. 152v]

Prosopopeia Inquisitionis Petri Assesat Tholorani

iunioris. ¹

1 Petrus Assessaz uit Toulouse