Album Joannis Rotarii (Johan Radermacher)

[fol. 136r]

[87. Anoniem, Schimpdicht op de aanval van Frans van Anjou op Antwerpen in 1563.]

Discours sur la folle entreprise des francois executee
Le 17e jour de janvier anno 1583 -- sur La Ville d'Anvers faict en forme de Remonstrance

O Francois de Valois qui dun tiltre autenticque
Te nommois protecteur de la gaule Belgicque,
En qui on esperoit de veoir renaissants
Tous les faicts vertueux de tes ayeuls puissants,
Dont vient que lachement oubliant ce beau tiltre
Tu tes cree le Chef pour sa ruine sistre ?
Dont vient que parjurant la foy et ton honneur
Sur la ville dAnvers as traine tel malheur?
Est ce la recompense et lamitie courtoise,
Dont tavoit caresse ceste ville Anvernoise
Quand si triomphament elle tavoit receu
Et pour son seigneur: sur tous Princes esteu?
Quoy? tant de beaux enfants, tant de dames pudiques,
Tant de braves Marschans, tant de riches boutiques,
Tant dartisans subtilz soubs ta subiection,
Nont ils peu satisfaire a ton Ambition?
Ha Prince infortune quelle fausse chimere
Tha donne ce conseil? auroit este ta Mere,
Ou bien quelque Fantosme, ou Cafard furieux?
Quel quil soit, ce conseil vient dun coeur malheureux.
Car un coeur genereulx ne cherche la ruine
De ses meilleurs amis par fraude Clandestine,
Ains loyal en son coeur, marchant d un front haussé,
Prend soin qua son honneur ne soit rien reproché.
Mais voicy ce que cest, on tha mis en la teste
Qua un si grand Seigneur, ce nest pas chose honneste
De se rendre subiect d un Conseil de bourgeois,
Ny dEstats assemblez, plain de diverses voys.
Car ie ne pense pas que ceste acte vilaine
Tu as faict pour complaire a la fille d'Espaigne.
Car delle tu ne peulx sans inceste jouir:
Mais on tha conseille de te faire obeyr.
Or pour estre obey, cest chose resolue
Qu ung prince doibt avoir la puissance absolue,
Pour laquelle puissance avoir a ton desir,
Une monstre traistresse ils ont voulu choisir.
Ainsi par un lundi lorsque ceulx de la ville
Prennoyent tous leur repas aupres de leur famille,
Ne pensant a rien moins qua carnage et effroy,
Ce fut lors que ce Duc commenca ce desroy
Car sortant la cité droict par la Kipdorp porte
Sen saisit, massacrant les gardes a main forte
Lors fit marcher ses gens courrants de toutes parts

[fol. 136v]

1

Pour entrer dans la Ville et gaigner les ramparts.

 

Ou pousse du butin accouroyent en grande presse,

 

La coutellas en main criant vive la messe.

 

Et de telle fureur losoient ces escondis,

5

Qui faisoient avoir crainte aux hommes plus hardis.

 

Et ja quinze estandarts de leur Infanterie

 

Estoient dans la Cite , sans la Cavallerie:

 

Qui courroyent ca et la, lors que les Citoyens

 

Voiant ja ces mastins qui butinoyent leurs biens

10

Jaloux de leur honneur, et aimant leur franchises,

 

Pour conserver leur droicts ont tous les armes prises.

 

Lors sortans leurs maisons les chaines ont fendu,

 

Et chascun son quartier vaillamment defendu.

 

Lors fut ben du Seigneur ladmirable puissance

15

Car donnant aux Bourgeois un coeur plain de vaillance

 

Il donna tel peur ^Laux^L ennemis francois,

 

Quils fremissoient de crainte au reson des harnoys.

 

Et pressez de frayeux commencerent la fuite

 

Ne voyant presque aulcun qui leur faisoit poursuite

20

Mais sans foy et sans coeur ces malheureux fuyarts

 

Honteux monstroyent le dos quittant leur estandarts

 

Brief ces effeminez fuyoient de telle sorte

 

Que sestouffans lun lautre estonyerent la porte.

 

Ce que considerant le bourgeois bien arme,

25

Estoit lors de tant plus au combat anime.

 

Qui a veu quelque fois une louve irritee,

 

Voyant dedans son nid desrober sa portee,

 

Et comme furieuse elle vange le tort

 

Faict a ses faonneaux par la cruelle mort,

30

Cestui la a peu veoir la vengeance sanglante

 

Des Bougeois poursuivants ceste troupe fuyante:

 

Et comme soubs la faux sont les bleds *R*uez jus

 

Tout ainsi tomboient mort les ennemis vaincus.

 

Car les harquebouziers qui tiroient pesle mesle

35

Faisoient tomber sur eux les boulets comme gresle,

 

Lun avecq une pirque enfondroit les chevaulx,

 

Lautre d un coutelas coupoit tripe et Boyaulx,

 

Lautre aiant en sa main une dague pointue,

 

Faisoit couler le sang dun francois par la rue.

40

Mesmes sur les ramparts le Vomissant Canon

 

Fouldroit sur les champs ceux la monstrans le talon

 

Et fut le meurtre tel quen bien petit espace

 

Bien quinze cents francois moururent en la place.

[fol. 137r]

1

Voila par quel moyen Dieu scait donner Chastoy

 

Aux hommes Infidels et Prince faux de foy,

 

Voila comment il scait renverser lentreprise

 

Des ennemis pervers de sa fidele Eglise.

5

Desfile donc tes jeulx Prince mal conseille,

 

Et pren garde a ton faict, tu as trop sommeille

 

Et chasse de ta court ceste troupe maligne

 

De Conseillers flatteurs joyeulx de la ruine

 

Car tu peux bien penser, que dieu tant seulement

10

A droit de commander au monde absolument

 

Dautant quen luy ny a que quite et justice,

 

Et lhomme est ung Bourbier ou sengendre tout vice

 

Puis avant quasspirer destre Prince absolu,

 

Il failloit reformer ton Pallays dissolu.

15

Car dequoy peult servir ceste vertu suppreme

 

Au Prince, sil ne scait commander sur soy mesme?

 

Mais les peuples aimants le Prince vertueux

 

Honnorans ses vertus le font maistre sur eux.

 

Voila par quels moyens plusieurs Illustres Princes

20

Ont este faict Seigneurs de maint grandes provinces.

 

Mais vouloir par effort la maistrise usurper,

 

Cela est contre droict, cela est ce tromper.

 

Car que peult prouffiter au Prince aimant justice

 

Sil possede les murs dune Cite bien riche,

25

Si cependant il perd le coeur des habitants?

 

Cela nest rien gaigner, cela est perdre temps.

 

Dequoy luy sert son gain et tout sa revenue,

 

Si accroissant en bien son honneur diminue?

 

Certes il vauldroit mieux ne gaigner du tout rien,

30

Que perdre son honneur pour amasser du bien.

 

Or de vouloir regner dans un pays par force,

 

Cela est gaster larbre afin davoir lescorce

 

Sois doncq mieux avise prince, sois mieux appris.

 

Tu peux voir ace coup comme il ten est mal pris,

35

Tu peux voir ace coup de combien le langage

 

Des mauvais conseillers apporte de dommage

 

Car par mauvais conseil trouble as un ruisseau

 

Qui sera difficil a repurger son eau

 

Et toy peuple dAnvers vaillante bourgeoisie

40

A qui Dieu a monstre si grande courtoisie

 

Ne mets pas en oubly ceste grace et faveur

 

Mais pour un tel bien faict rends grace au Seigneur

 

Ostant de la Cite tant dexecrable vice,

 

Qui sont ce jour commis par faulte de justice

[fol. 137v]

1

Ce faisant Le Seigneur son oeuvre parfera,

 

Et sur tes ennemis prosperer te fera.

 

 

 

Fin     Sans deborder.

[Dwars:]

Sur l'entreprise des françois en Anvers le 17.e de Janvier 1583.