Logo DBNL
Album Joannis Rotarii (Johan Radermacher) (ca. 1560-1620)

Album Joannis Rotarii (Johan Radermacher)

(ca. 1560-1620)–Johan Radermacher (de Oude)–rechtenstatus Auteursrechtvrij

Vorige Volgende

[75. Excerpten uit het Album amicorum van Johannes Regius.]

Sententiae quaedam excerptae ex albo amicorum Domini Joannis Regii.

Quod Lex imperat: Fides impetrat. Esaiae Sadéelis.
 
Vince mundum cum suis amoribus, erroribus et terroribus. Jacobi Regiipatris V.M.

 
Caput tenebris exerentes litteras
 
Quas longa curis expoliverat dies 1
 
Repente dirus Martis, et sophistices
 
Abegit aestus non reversuras statim.
 
Morbi ingruentis est medela segnior,
 
Quam morbus. aevo crescit occulto nemus:
 
Puncto, sequacis ignis afflatu perit.
 
Vigore lento nostra crescunt corpora,
 
Statim labascunt. tarda virtutum augmina
 
Cito opprimuntur, non reviviscunt cito.
 
JOSEPHI SCALIGERI.

Quis sit Afflictionum nostrarum usus.

 

In ipsis afflictionibus gloriari nos decet: quoniam videlicet didicimus illas fortuitò non evenire, sed ab eo immitti. qui nos sibi reconciliatos, partim suis flagellis benevolè castigat, partim conformes facit imagini filii sui. et paulatim nos hac ratione docet peccatum odisse, mundum aspernari, Patrem caelestem invocare nos ipsos agnoscere, nos ipsos magis ac magis confirmare, ut vita Jesu Christi in nostro corpore, et mortali nostra carne manifesta fiat, et ut ostendatur quae sit Spiritus Sancti in fragilibus vasis istis virtus, et efficatia ad gloriam Dei sempiternam.
    Orandi studium ne desere, fungere iusso officio, dabit haec magnos tibi regula fructus.
    Contra omnes hostes, contra omnia vulnera cordis,
    Una est spes miseris, una medela, preces.
    canite, vigilate, et orate.
    EMANUELIS DEMETRII.

 
Sum tuus, et meus es, non sum tuus, aut meus ipse es.
Sed Deus est noster, cuius uterque sumus.
    Augustinus.
Qui vult semper cum Deo esse, debet frequenter orare et legere. Nam cum oramus, nos cum Deo loquimur, cum verò legimus, Deus nobiscum loquitur.
    Conradus Deckher Rector Scholae Oppenheymensis

 
Quid te conquereris non re, sed nomine Regem?
 
Regia res certè est regna tenere sui.
 
Haec tibi non duro belli sudore paranda,
 
Quaerenda à sola sed Pietate tibi est.
 
In te nulla boni fallacis opinio regnet
 
Lancinet hinc mentem nulla cupido mali,
 
Sed recti cura et ratio te auriga gubernet
 
Neve Deo dubites credere regna tui.
 
Haec tibi contingant, poteris contemnere Reges
 
Regibus est maior qui suus esse potest.
 
Nam reget ille alios, qui se compescuit ante
 
QUIQUE DEO PARET, IMPERAT ILLE SIBI.
 
Jani Dousae filii.
 
Heureux le corps qui pour l'ame labeure
 
Heureuse l'ame qui en tel corps demeure.
 
Joannis Polyandri.

    Augustinus 1
Qui de seipso praesumit: ante prosternitur quam pugnet, Exemplo Goliathus.
Origines
Mala consuetudo, malitinae pabulum.
    D. Francisci Gomari.

 
Christus via, veritas et vita.
 
Christianus viator in veritate
 
Ad vitam contendens. Nos ergo
 
Qui administri Christi, Christianorumque
 
Studemus esse, qua fide et diligentia
 
In Christo opus est incedere, et
 
Viam praeire veritatis fratribus
 
Nobiscum ad vitam contendentibus!
 
Tu verò, mi Regi, in his esto.
 
D. Francisci Junii.

Mors tua Christe mihi vita est, victoria, regnum.
Labe mea morior, sanguine vivo tuo
    Julii Beymae.

 

Quaelibet regio habet suas virtutes et sua vitia:
Peregrinemur igitur ut apes, non ut araneae.
    D. Everhardi Bronchorst.

 

    Tertullianus 2
Satis idoneus patientiae sequester Deus: si iniuriam penes eum deposuerunt ultor est; si damnum, restitutor est; si dolorem medicus est; si mortem resuscitator est.
    Jacobi Lectii.

 
Fer difficilia, ut facilia levius feras
    Pauli Melissi.

 
Si beati sunt qui in Domino moriuntur,
 
Erunt certè beati qui in Domino vivunt,
 
Si ad mortem usque in eo perseverârint.
 
Quanto verò beatius est praesente bono
 
frui, quam futurum licet spe minima fallaci
 
Expectare: tanto mors ista est illi vitae
 
Anteponenda. Cuius est igitur amentiae
 
id timere in quo demum sita est eius
 
quam exoptas beatitatis fruitio.
 
Theodorus Beza manu quidem vacillante
 
sed corde per Dei gratiam intrepido
 
in patriam contendens, anno huius
 
vitae 77. uno excepto mense
 
expleto, Genevae scripsi egregio iuveni
 
Joanni Regio, die Maii 25. anno
 
ultimi temporis 1596.

Sui cuique mores fingunt fortunam 3

    Julii Pacii.

    Fide et Arte
ειδοτως και ευ συνειδατως
Abel Bedeus Gallicanae Ecclesiae minister D. Joan. Regio amico coniunctissimo Heydelbergae 24 Martii 1596
Scripserat esse sui monumentum et pignus amoris.
 
Ut unguentum et suffitus laetificat animum
Ita dulcedo amici sui quemque, magis quam consilium proprium. Proverb. 27.
    Stephani Belocei

 
Πλουτος αριστος η των επιθυμιων πενια.
    Joannis Huernii.

 
Geme in area, ut gaudeas in horreo. Augustinus. 1
    Caroli Perrotti.

 
Omnis dies, omnis hora ostendit quam nihil simus. Seneca 2
    Antonii Faii.

 
Non videri, sed esse.
Point ne te chaille estre bon d'apparence
Mais bien de l'estre apreuve et par effect.
Contre un faux bruict que le vulgaire faict
Il n'est rempar tel que la conscience.
ελευθερια, αγαθη συνειδησις 3
    Symonis Goulardi p.

 
Sophocl. 4
’Ενταυθα, μεντοι παντα τ'
ανθρωπων νοσει,
κακοις οταν θελωσιν
ιασθαι κακα.
    Gasparis Peuceri.

 
Sola temporis avaritia honesta.
    Joannis Jappei.

 
Nodos virtute resolve.
    Joannis vande Beke

 
Ego optimum et emendatissimum existimo, qui caeteris ita ignoscit tanquam ipse cotidie peccet: ita peccatis abstinet, tanquam nemini ignoscat
    Arnoldi Verbequii.

 
In silentio et spe fortitudo nostra
    Joannis Kuechlinii.

 
αϕοβια μεγιστη, ϕοβηισθαι τον θεον, και τους νομους. 5
  O foelix hominum genus
  Si vestros animos amor
  Quo coelum regitur, regat.
Quamvis verus amor chartis depingier istis
Nescit, et in solo pectoris antro habitat:
Saepe tamen calamo praeberi symbola viva
Illius internae constat amicitiae.
Accipias igitur victuri semper amoris
O Regi, haec propria symbola scripta manu.
    Abrah. Aurelii

Plautus 1
Qui animum vincunt, quam quos animus, semper probiores cluent.
    Enochi Pottaei.

 
  Bernardus
MIRA NOVITAS, sed eius qui omnia nova facit: IUGUM TOLLENS invenit requiem RELINQUENS OMNIA centuplum habet.
    Balthazaris Claus.

 
ουδεις ελευθερος, εαυτου μη κρατων
Soli fide Deo, soli constanter adhaere
A solo cunctis eripiêre malis.
    Guilielmi Zudlaraei.

 
  Bernardus
Janua salutis aperitur nobis, dum hodie Evangelium auribus percipimus, sicuti illis fenestris, dum Sathanae patuerunt, mors admissa fuit.
πολυτελεστατον αναλωμα χρονος.
    Joannis Bogermanni frisii

 
Mors tua, Mors Christi, Fraus mundi, Gloria coeli Et dolor inferni, sunt metidanda tibi.
    Joannis Terundi.

Qu  an di tr  mul pa 
 os guis rus isti cedine vit
H san mi Chr dul la 

    Id est
Quos anguis dirus tristi mulcedine pavit.
Hos sanguis mirus Christi dulcedine lavit.
    Benjamini Massini.

 
Viae Domini difficiles carni et sanguini, sed rectae in se semper et iusti ambulabunt in eis.
    Joannis Calvius.

 
Bis vivit, benè qui vivit. Nam praemia vitae Praesentis Pietas atque sequentis habet.
    Theodori Meyer

 
planè. sanè, pede plano si pede sano: I planâ, sanâ si cupis ire viâ.
    Joannis Marquini

 
   Seneca de Providentia 2
Paternum habet Deus adversus bonos viros animum. et illos fortius amat, et laboribus doloribus et damnis exagitat, ut verum collegant robur. Itaque cum videris bonos viros laborare, sudare, per arduum conscendere, malos autem lascivire et voluptatibus fluere, cogita Deum filiorum modestia delectari. Vernularum permittere licentiam, illos disciplina tristiore contineri, horum ali audaciam.
    Jacobi Bruno.

 
Si fortuna iuvat, caveto tolli, 3
Si fortuna tonat, caveto mergi
    Eliae Thalwencelii Silesii.

 
*Deu*s sphaera est, cuius centrum est ubique, peripheria nusquam. Symeónis Ruytingh.

 
*Stul*tus qui post illa non abiit, quae amata inquinant, possessa onerant, amissa cruciant.
    Assueri Regemorteri.


Vorige Volgende