Geen goet oft have is goet, dat qualijck is gewonnen;
Het quaet crijgt een quaet eyndt, gelijck het is begonnen.
HEt ghebeurde op eenen tijt, dat een groote Sim oft Aep (de welcke opgevoedt was in het huys van eenen woeckeraer, die nergens in genucht en nam, dan in sijn gelt) ghesien hebbende door een spleet, oft gaetken vanden muer oft schudtsel, dat sijn meester aen tafel sat en speelde met gelt, ten laetsten middel ghevonden heeft, (door een venster die den meester wt sijn camer gaende open gelaten hadde) om in de plaetse te comen, daer het gelt lach, terwijlen dat den woeckeraer heuren meester sijn noenmael hiel: Ende als sij oock eenen tijt lang soo gespeelt had met de goude penningen oft croonen die daer op tafel waren blijven ligghen, gelijck sij heuren meester had sien doen, soo heeft sij begonst het ghelt van boven te vensteren wt, op straet te worpen. Maer hoe de gene die daer voorbijgingen, dat siende ende hoorende, begonsten te lachen; ende hoe den woeckeraer self daer door ontstelt ende verstoort was, doen hij dat vernam, en sal ick niet seggen: Want ick mij genoech beladen vinde, om mrt hem te spotten, als oock met meer ander sijns gelijcke, de welcke gelt vergaeren met groote hoopen, tzij voor de diepte vande Zee, tzij voor eenen Soon, Broeder oft Neef, die dat al verspelen, verhoeriagen, oft verslempen ende door de keel iagen sal: sonder dat sij eens dencken op dit schoon ende waerachtich Latijnsch spreeck-woort, Malè parta malè dilabuntur, dat is, Dingen die
Auteursrechtvrij
