Princeliicke deuiisen

CXC. Perimit & tuetur.

Wat duydt ons desen Schilt, met dit Rapier daer voor:
Een Vorst de quae' bringt om, en staet de goede voor.

De vroomheyt van een helt, in raet en daet gelegen,
Als hij sijns vijants macht cloeckmoedich wil gaen teghen,

[p. 413]

 

Is sulx, dat hij den schilt ghebruyct, en oock het swaert:

 

Den vijant slaet hij doot, de sijne hij bewaert.

 

Som sal hij in heur lant, op't onverhoedtst besoecken,

 

En eer sij hem soo doen, heel ongereedt vercloecken:

 

Som sal hij, als sij hem bestormen, soo verslaen,

 

Dat heur de macht vergaet van weder op te staen.

Overdenckende de stouticheydt, oft cloeckmoedicheyt ende wijsheyt van Mijn-heer den Hertog van Guise, soo heb ick doen schilderen een ghecroont Rondas oft Bokelaer, met een Swaert daer door stekende, ende dese woorden, Perimit & tuetur, dat is, Doodt, ende beschermt: Willende daer mede te kennen gheven, dat hij een stout ende vroom Ridder is, bequaem om een stadt te winnen, ende oock tegen te houden: ende om sijnen vijant in't velt vromelijc te bespringhen ende te verslaen.