Des canmen soo gedoen dat wij malcander minnen,
Geen vijant sal ons lant met crachten connen winnen.
DEn Croon diemen Burgerlike oft Steedsche Croon hiet, wierdt ghegheven van den burger self aen eenen anderen sijnen metburger, die hem het leven gebergt oft beschermt hadde in eenigen slach oft anderen grooten noot; tot een teecken vande behoudingh sijns levens. Ende dese Croone was ghebreydt oft gevlochten van bladeren oft cleyne tacxkens van Eycken boomen: om dieswille dat onse voorouders van de eerste tijden af, al hun eten, voetsel, oft onderhoud van desen boom, te weten van sijn Eeckelen, plochten te halen.
Auteursrechtvrij
