Den Ploeg, en d'Egg die doen het lant veel vruchten draghen:
En die sijn leden spaert, bedijdt tot geender dagen.
Pythagoras die hiel voor best dat elck sijn hant
Gedurich houdt in't werck, oft scherpet sijn verstant.
Den Heer en sal den mensch ooc geenen segen jonnen,
Ten zij hij die met vlijt verdient heeft, oft gewonnen.
DE Egge, vast gemaect aen de letter van Pythagoras (te weten Ypsilon) was eertijts Devise van Mijn-heer Pieter van Morbillier, Cancelier van Vranckrijck: gelijckmen noch hedendaechs sien mach inde Kerck van Sinte Marten van de Velden (Sainct Martin des Champs) te Parijs: De welcke genoechsaem te verstaen geeft, datmen door arbeyt tot deuchden comen can.
Auteursrechtvrij
