Princeliicke deuiisen

[p. 322]

CXLIII. Ipsa suae testis victoria cladis.

D'overhand is getuyg van heur selfs nederlaeg:
Den winner roemt van winst, tot der verwonnen plaeg.

Den schoonen Dadelboom, die ghij hier nu aensiet,
Betoont den segen Godts, die't Ioodsche lant gheniet:

Betoont voorwaer een vrucht die niet is om volprijsen.

Maer weer is dees Devijs der Ioden een afgrijsen.

[p. 323]

 

Vespasianus droech den Dadelboom ten toon:

 

Des sachmen dat hem Godt het Ioodsche lant tot loon

 

Gegeven had, voor al sijn groote vromicheden,

 

Mits dat hij wreect' het leedt dat Christus had gheleden.

OP den dach van heden vintmen noch oude Munte, die nae het wtwijsen van de letteren die daer op staen, geslaghen is gheweest in den naem van den Keyser Vespasiaen: inde welcke gedruckt is de Devijs van eenen grooten Dadelboom, gheladen met vruchten. Dan mits dat desen boom ghemeynlijck ende overvloedich voortcomt in het Ioodsche lant; het welc van den voorseyden Keyser overwonnen is geweest: daerom soude den Dadelboom op dese plaetse beteeckenen ende bewijsen moghen soo wel het selve lant, als oock de verovering ende verwoesting van dien.