Ick bid (nae langen crijg) om een die vrede sticht;
End' (als den Regenboog) ons calmte bring, oft licht.
Schiint in v lant geen Son van vrede noch van rust,
Maer is dat vol van crijch en tweedracht ongeblust,
Wenscht om alsulcken Prins, oft sulcken wijse Vrouwe,
Die met sijn clare strael, den twist ter neder houwe:
En als den Regenboog, die nae den regen blijct,
Maect dat den wint vergaet, het onweer verre wijct,
Alsoo oock door sijn raet oft cloecke daet can maken
Dat v verwerret lant in rust en vree mach raken.
[pagina 97]
[p. 97]
De Alder-Christelickste Coninginne van Vranckrijck, Me-Vrouwe Catharina van Medices, heeft voor heur Devijs den Rogenboge. Den welcken een waerachtich teecken is ende gewissen voorbode van schoon claer weder: ende daerom beduyden can stilheyt, rust ende vrede:
Auteursrechtvrij
