Princelijcke deuijsen

Virtuti fortuna comes.

Die Schilders meenende vrienschap te⁺ doen, ende Timotheo den Hertoghe van Athenen te belieuen, hadden hem geschildert om sijn groote rijcdom ende macht, al oft hy gheslapen hadde: ende neuen hen die fortune, de welcke hem was presenterende landen ende steden ghesloten int garen ofte netten. Maer Timotheus siende dat sy sijn gheluck ende weluaert alsoo meer

+ [...]idas.

[fol. 91r]

der fortune toeschreuen dan sijnder vromicheyt ende duecht, en was daer niet seer wel in te vreden noch mede beholpen. Plutarchus schrijft dattet sijn vianden waren,⁺ die van hem dese Schilderije ghemaect hadden, ende antwoorde daer op om soodanigen opinie te dooden: Doene ick dat al slapende, wat sal ick dan doen als ick wake?

+ Plutar.