Princelijcke deuijsen

Prohibere nefas.

Dat selsaem ende wonderlijck serpent⁺ Amphisibene, twelck soo wel achter aen sijnen steert als vore een hooft heeft daert mede bijt, voorwaerts cruypt ende weder achterwaerts gaet alsoot wil, soude wel moghen die wapen oft Deuijse wesen van

+ Aristot. Plinius.

[fol. 91v]

eenen hoop verraders ende bekende vianden die dobbel van herte sijn: de welcke soo perijculeus sijn, datter gheen specie van peste en is, die hinderlijcker is dan dese soorte van volcke, ghelijck Cicero seer wel verclaert. De welck die schelmen sijn daer tghemeene spreecwoordt af is: Sulcx toocht van buyten een vriendelijck gelaet, Die binnen int herte niet en is dinckende dan ouerlast en quaet.