Princelijcke deuijsen

Hâc illac perfluo.

Die tonne van Danais dochters is soo duerboert (naer dat die Poeten schrijuen) ende aen alle canten doorgaet datter alle dwater datmen daer mach ingieten terstont weder wtloopt. By dese oft dierghelijcke tonne

[fol. 90v]

worden gheleken van Plutarchus, Terentius ende meer andere, die clappaerts, die ondancbarighe, ende ghierighe menschen. Die clappaerts, om datse lange tonghen hebben die niet swijghen en connen, maer clappent al wt dat sy weten. Die ondancbare ende onwetende menschen, om dat sy nimmermer yemanden danck en weten vande duecht ende weldaden die men hemlieden doet. De ghierighe, om dat sy nimmermeer versaet en zijn.