Princelijcke deuijsen

[fol. 22v]

Dederítne viam casúsue, Deúsue.

De ghedinckenisse ende het teecken vande vromicheyt, edelheyt ende ouderdom vanden huyse ende ouderdom vanden huyse van Lothringhen, sijn dry meeuwen, die gheuonden waren stekende aen den pijl van Godefroy van Buillon beleghert

[fol. 23r]

hebbende de stadt van Ierusalem, dewelcke dese edel Heere gheschoten hadde, op die Torre van Dauid. Twelcke een teeken was (als ons die historie verclaert) vanden grooten ende hooghen staet die hem was naeckende, als dat hy soude worden ghecroont Coninck van Hierusalem. Ende om dat tvoorseyde huys van Lothringhen afcomen is vanden geslachte vanden seluen Godefroy, soo slaense noch op den dach van heden op haerlieder munte de figure vande drye meeuwen.