Poematia

[p. 29]

Ad Clar. virvm Franciscvm Sweertivm poetam et philologvm.

BEllerophontaeas cum Phoebus viseret vndas

Laudauit Fontem, perplacuitq́ue sibi.

Felices Musas, dicebat fonte sacrato,

Prospera queis stupuit tanta tulisse Deos.

Nam si quis doctos gustarit ritè liquores

Fit similis Phoebo maior in arte Lyrae.

Quis Phoebum superat? qui potat Bellerophontem,

Eloquio magnus, magnus & ingenio.

Magnanima virtute micans Francisce Poëta

Svveerti atq́ue ebrius hic Bellerophontis aquis.

Accipe sed facilis cultu donata Latino

Carmina, quae mittit Aöna Iana tibi.

Nestoreos felix annos per saecula viuas,

Atq́ue tuum Musae nomen ad Astra ferant.