Poematia

[p. 22]

Nobili, clar. viro Carolo Vtenhovio Poëtae Laureato, de nominis sui etymo Allusio.

Carolvs à Caris manat sermone Latino,

Ab Charitum Graiis Carolvs amne fluit,

Hoc primum Franci nomen finxisse leguntur,

Kerle vocat fortem Francica lingua virum.

Vnde hoc Caesaribus dignati imponere nomen,

Quinq́ue etenim celebres nominis huius habent.

Linguarum quae prima fuit כאר pascua, laeta⁺

Dux gregis, aut Princeps primus in arte sonat.

Hoc tibi non casu, sed fato est Carole nomen,

Et fieri frustra nil pia fata sinunt.

Quod rarum est carum est, quod carum Carole rarum est,

Carum te doctis gratia rara facit.

Sic tua mellisluo tinxerunt ora liquore

Pegasidos riui numina casta nouem:

Carminis vt virtus tibi mascula suppetat, vt res

Verba habeant numeris aequiparata suis.

Cognomen gentile tuum, te ducit ab Aula,

Iudicis ad munus teq́ue sedere vetat.

Vtenhove: ex Aula Flandrorum idiomate, ab horto

Eq́ue foro: haec tria vox vna eademq́ue sonat.

+ Heb: Car

[p. 23]

 

Sis licet ingenio Flandrorum idiomate, ab horto

 

Fluxerit ex Aula nobile stemma tibi.

 

Proq́ue tribunali Flandris tibi sederit olim

 

Praeses auus, summi consilijq́ue decus:

 

Te tamen ex Aula ratio cognominis ipsa

 

Euocat, & socium te vetat esse fori.

 

Ne tua iuridicis perdatur gratia curis,

 

Adferat vt studiis te pia Musa sacris.

De Augusto Caesare.

AVgustus magnus terrae, & ponti moderator

Ad se cum Thracum Rex redijsset, ait.

Proditor arte placet, multum sed displicet ipse

Proditor, haec inter fercula sic retulit.

Non redolet priscos Romanos, quae modo, dicta est

Haec sententia, nec plurima puncta refert.

Rectior Augusto & melior Romana potestas

Tunc, cum clausa esset finibus eximiis.

Marcus Furius est visus, contemtus ab ipso

Proditor ipse fuit, suppliciumq́ue tulit.

Finiuit bellum permagnum contra Faliscos

Acceptos rursus sub ditione sua:

Fortiter adiuncta potius succumbere censens

Virtute Augustâ sanctius & melius.

Quam quod proditor hanc turpis victoriam amoenam

Suggessisset ei, dedecus insipidum.

[p. 24]

 

Talis erat quondam virtus praeclara virorum

 

Magnorum robur maximum & egregium.

 

De Marco id nobis memorandum nempe Camillo

 

Quem laudat fortem Plinius esse virum.