Poematia

Carmen nobilis viri domini D. Boisoti Coloniensis, inscriptvm Ioannae Othoniae.

ARte olim mirâ Venerem depinxit Apelles:

Mirata est doctam Graecia tota manum.

Non minus ostendit noster doctissimus artis,

Cùm factus magni est aemulus Ottho Iouis.

Nam Iouis ex cerebro nata est Tritonia Virgo,

Huius ab ingenio ficta Minerua noua est.

Cum nobis doctam finxit mira arte Ioannam,

Et decimam Musis addidit Ille nouem,

Obstupuit Phoebus, timidae stupuêre sorores,

Et stupet ipse suum fictor, & auctor opus.

Inuida tunc Pallas terras, hominesq́ue reliquit,

Virginis accepit virgo Poëta locum.

Quare age docta cohors caput huius cingite lauro,

Et Ianam nunc pro Pallade thure colas.