weerder antwoorde. Ic behoorde dat gedaen te hebben. Te weten om meerder quaet te beschudden, want die ruyters souden daer al hebben moeten doet blijuen. Die vraghe es, oft hi dat behoorde gedaen te hebbene. Hier moet gheconsidereert wesen, tghene dat den heesscher segt ende ooc tghene dat den verweerdere segt, deen teghen dandere comparerende, welcke datter eerlicste, profitelicste ende meest van noode es. Ten anderen salmen ondersoecken oft hem georloft was so te contracteren sonder consent van sinen ouerheere. Voort sal den h. gebruycken alle zijn suspitien coniecturael, so voren geleert es, om te betooghen dat hijt met ghedaen en heeft om meerder quaet te beschuddene, maer wt eenich bedroch of quade meeninghe. Voort salmen ondersoecken oft hi niet ontgaen en mochte, sonder in de plaetse geassigiert ende besloten te wesen. Den verweerder sala al die suspitien coniecturael reprochieren, inder manieren als voren inde cause coniecturael geleert es. Den heesscher salt refuteren, concluderende dat den verweerder van twee quaden tmeeste gecoren heeft, vanden welcken hem nochtans niet georloft en was te statueren. Den verweerder sal moghen maken zijn doleance, claghende ouer hen lieden, die het meeste quaet voor het minste kiesen. Voort sal hi vraghen sinen accuseerders ende ooc den iugen selue wat si gedaen souden hebben, oft si selue in die plaetse gheweest hadden, met dien sal hi hem lieden den tijt die plaetse, die sake metgaders al zijn aduijs, ende liberacie claerlijck voor ooghen legghen.
Auteursrechtvrij