Claribella

[p. 73]

XXXV.

Nu hebbic U al gegheven,
al wat ic gheven mach!
Aen U, mijn Lief, mijn leven,
ghedenck ic nacht ende dach.

Wat wilt Ghi mi meer noch vraghen?
En gaf ic U niet ghenoech?
Voor U alleen sal jaghen
mijn herte laet ende vroech.

Ic en can niets meer U schinken,
den hemel en is niet mijn...
Mer conde ic sterren doen blinken,
si souden al de uwe sijn!

Nu hebbic U al gegheven,
al wat ic U gheven mach
Ic blijf uw goed, uw leven
tot aen minen stervensdach!