Den boeck der gheestelijcke sanghen

[p. 96]

Die Innighe: Hoe dat die Salighe haer droegh met die met haer woonden.

Op de VVijse: O siel' bedruckt slap als een riet, oft Comble de gloire.

SVPERIOR.

BASSVS.

[p. 97]

T' Is pur watmen in t'herte vindt,

Dat Godt oprechtelijck bemindt,

Hoe datmen 't wilt sien oft bemercken,

Vol liefde soet van d'eeuwich goet

Oprecht gherecht zijn alle wercken.

Diemen in een pur hert' ontmoet,

Gh'en vinter niet dat v verstoort,

Gh'en sieter niet dan dat behoort;

T'verdient al lof, t'is al te prijsen:

Vol liefde soet van d'eeuwich goet

Oprecht gherecht zijn alle wijsen,

Diemen in een pur hert' ontmoet.

Sulcks was die blyde Godts vriendinn',

M'en sacher niet dan puerheydt inn';

Sy was met het licht Godts omvanghen,

Vol liefde soet van d'eeuwich goet,

Oprecht gherecht met claer' opganghen,

Diemen in een pur hert' ontmoet.

Wat dat het was voor eene siel',

Kost sien die met haer vriendtschap hiel:

Hoe dat sy stondt in alle dinghen

[p. 98]

 

Vol liefde soet van d'eeuwich goet,

 

Oprecht gherecht met oeffeninghen

 

Diemen in een pur hert' ontmoet.

 

 

 

Men vondt in haer een ware trouw',

 

Als die Godt pur naervolghen wouw',

 

Haer leven was een Zee vol vreughden

 

Vol liefde soet van d'eeuwich goet

 

Oprecht gherecht in deughden,

 

Diemen in een pur hert' ontmoet.

 

 

 

Hoe datmen sach op haer ghelaet,

 

Men vondtse seeghbaer boven maet',

 

Ghestichtich, heylich, goedertieren,

 

Vol liefde soet van d'eeuwich goet,

 

Oprecht gherecht in die manieren,

 

Diemen in een pur hert' ontmoet.

 

 

 

Haer hiel sy minsaem tot elck een,

 

Maer was gheneyght tot Godt alleen;

 

Om wie sy heel aertrijck ontvluchte

 

Vol liefde soet van d'eeuwich goet,

 

Oprecht gherecht in die ghenuchte,

 

Diemen in een pur hert' ontmoet.

 

 

 

Een voorbeeldt, eenen spieghel claer

 

Van all' oprechticheydt voorwaer

 

Wast', watmen in haer kost' ghemercken,

 

Vol liefde soet van d'eeuwich goet,

 

Oprecht gherecht met alle wercken,

 

Diemen in een pur hert' ontmoet.

 

 

 

Ghespreecksaem was sy en ghemeyn,

 

Sy was in haers selfs ooghen kleyn

 

Sy wist' haer min als niet te achten

 

Vol liefde soet van d'eeuwich goet

 

Oprecht gherecht in claer ghedachten,

 

Diemen in een pur hert' ontmoet.