Cloosterken der gheestelijcke verryssenisse ofte der ontwordentheyt
(1639)–Lucas van Mechelen–
Auteursrechtvrij
[pagina 232]
| |
Wijse: Maria schoon. Oft: Vriendinne puer. Req. 112.Zee-sterre soet,
Princes van d’opperste goet,
Klaer Hemelrijcksche Coninghin,
Met gansch ghemoet
Val ick reyn Maeght u te voet,
Hemels cieraet dat ick bemin,
Daer alle deught te vinden is in,
Die ghelijck en hebt gheen,
Die Godts Moeder alleen,
Die des Bruydegoms Een,
Die den weerdighsten steen,
Die zijt die van d’beghin
Waert naer den Goddelijcken sin.
Beminde seer,
Verhevenste van den Heer,
Die boven alle schepsels blinckt;
Gheen sulcke meer,
Noch soo volkomen in eer,
Die Godt soo veel hoogheden schinckt,
Die Godt soo diep in weelden verdrinckt,
Als hy vreughden u gheeft,
Daer ghy puer in hem leeft,
En hem saligh aenkleeft,
| |
[pagina 233]
| |
Die soo lief u daer heeft,
Dat noyt hert en verdincke,
In wat wellusten ghy versinckt.
Princes oprecht
Mijn nederheydt is te slecht,
Die my tot u Lof-sanghen praem;
Wat datmen seght,
Gheen tongh den prijs en uyt-leght,
Gheen stem en is ghenoegh bequaem
Tot uwen lof soo wonder minsaem:
Vwen prijs is te groot,
Onse sanghen te snoodt,
Ons armoede te bloodt,
Ons uyt-spraecke te doodt;
Dat ick mijun selven schaem,
T’hebben ghenoemt eens uwen naem.
Verheven licht
In d’alder-hoohsye ghesticht
Naest d’alderhooghste sonne schoon,
Toch mijn ghesicht
Met uwe stralen door-schicht
Uyt dien alder-puersten throon,
Daer ghy beschout Godts klaerste verthoon,
Daer u Maghet gheschiet,
Dat ghy salighlijck siet,
Dat u t’hooghste gheniet
Boven alle door-vliet,
Daer u den hooghsten loon
Komt voor een peerle tot u Croon.
| |
[pagina 234]
| |
Hoe wonderbaer
Zijt ghy reyn Maeght over-klaer,
Als ick op u t’ghesichte slaen!
Ghy zijt voorwaer
De schoonste van al-te-gaer,
Waer in schoonheden alle staen,
Diemen kan sien in hemelrijck aen:
Ghy zijt d’opperste Maeght,
Die den Heere behaeght,
Die den schepter daer draeght,
Die verkrijght wat ghy vraeght,
Die’t al met een vermaen
Naer u begeerten kondt doen gaen.
Aensien dan wilt
Met een ghenade seer milt
Ghy minnelijckste boven maet,
Hoe dat verschilt,
Van die vol weelden daer smilt,
Hier mijne ziel in desen staet,
Daer soo veel druck en leedt teghen-staet,
By die volle rivier,
Daer ghetoghen van hier
Op soo wonder manier
Ghy versinckt in pleysier,
Dat het puer metter daet
Alle verstandt te boven gaet.
Och oft ick mocht
Sien mijnen wensche volbrocht
Door u bystandt Princesse bly!
Dat ghy versocht,
| |
[pagina 235]
| |
En by den oppersten wrocht,
Dat ick heel van mijn selven vry,
Een stede Godts mocht houden in my:
Dat ick wierde ghescheydt
Van dees eerdtsche nietheydt,
Ende wierde bereydt
Om te worden gheleydt,
Daer Coninginne ghy
Regneren sult tot allen ty.
Resurrexit a mortuis. |
|