Logo DBNL
De harpe, oft des herten snarenspel (1599)

De harpe, oft des herten snarenspel

(1599)–Karel van Mander–rechtenstatus Auteursrechtvrij

Inhoudende veel stichtlijcke liedekens: nu andermael door K. van der Mander ouersien, verbetert, ende vermeerdert


Vorige Volgende

Van de tonghe,

Nae de wijse: Het zijn veruarelijcke daghen.

 
[V D]ie ist die daer langhe wil leuen,+
 
En oock nae goede daghen staet?
 
[Die] dwingh sijn tongh hier beneuen, +
 
[Sijn] lippen van den boosen praet:+
 
[Wa]nt als dat roer wordt quaet,+
 
[Da]t schip seer haest vergaet.
 
[D]at roer der tongen moeten my dwingen,+
 
[Ia]cobus seyt, t'is een cleen lit,
 
[M]aer sy beschickt wel groote dinghen,
 
[Gh]elijck ghy vrienden alle wel wit:
 
[By] haer doch niet en sit,+
 
[So]o en wordt ghy niet besmit.
 
[D]e quade tongen mach men wel schuwen
 
[En] altijdt vooren wesen verbaest+
 
[Da]er sy behoorde op't voncxken te spuwen,
 
[Is] sy ghesint, en daer in blaest:
 
[Ho]e seer datse raest,
 
[D]en vrede niet en naest.
 
Daer zijnder met groote ghetallen,
 
[Gh]elijck dat ons Syrach bediet,+
 
[D]oor de scherpte van het zweerdt gevallen,
 
[M]aer nerghens nae, soo vele niet:
 
[A]ls door de tonghe siet,
 
[H]aer als een slanghe vliet.
 
Soo waer de quade tonghen commen,
 
[D]aer breeckt terstont der vreden bant,+
 
[W]ant sy verstooren Vorstendommen,
 
[E]n drijft de lieden uyt haer lant:
 
Oock steden vast gheplant
 
Breeckt sy aen elcken cant.
 
Die by de quade tonghen blijuen,
 
+Die moeten wesen int ghetreur,
 
Want sy verstoot oock redelijcke wijuen
 
Die goede vriendschap hadden puer,
 
Wt list berooftse huer,
 
Dat haer is gheworden suer.
 
Een quade tonghe heeft lust daer binnen,
 
Waer datse maken can ghesloor,
 
+Men can nemmermeer ruste ghewinnen
 
Die quade tonghen gheeft ghehoor,
 
Vol twist is haer contoor,
 
Elck wacht hem wel daer voor.
 
Die geesselen die doen oock weenen
 
Wanneer daer comen stramen root,
 
+Een quade tonghe die breeckt beenen,
 
En alle dinghen in stucken hoe groot,
 
Want haer plaghe is bloot,
 
Bitterder dan de doot.
 
De Mensche is wel in groot quelle
 
+Die de quade tonghen besoeckt,
 
Haer quale is ergher dan de Helle,
 
Want sy altijdt int quaet vercloeckt,
 
Om datse niet en roeckt
 
Is sy van Godt vervloeckt.
 
+David heeft den Heere ghebeden,
 
Op dat hy mochte wesen bevrijdt
 
Van quade tonghen hier beneden,
 
+Sy is ghelijck een zweerdt dat snijdt:
 
[Wil]t ghy haer wesen quijt,
 
[Vre]est Godt ghebenedijt.
 
[D]en achterclap niet om verstranghen
 
[Heb]bender vele int herte gheprent,
 
[Do]or dien dat sy't soo lieflijck ontfanghen,
 
[Com]en vele in swaer ellent:
 
[Wa]nt achterclap bekent
 
[Is] twistens fundament.
 
Maer stellen stuer ghesichte daer teghen+
 
[Alss]e u wat aenbringhen wilt,
 
[De]n Noorden windt verdrijft den reghen,
 
[Sy] heeft een groot behaghen daert schilt,
 
[Gh]elijck ons Syrach milt,
 
[En] Iacobus niet en hilt.
 
Een quade tonghe can haer soo wenden,+
 
[Sy] is veel scherper dan een roe,
 
[Om] haren Naesten heymelijck te schenden,
 
[D]aer van en wordt sy nemmermeer moe:
 
[M]aer doet doch als de vroe,
 
[Sl]uyt vast u deuren toe.
 
Het mach de menschen wel verdrieten
 
[D]ie ontrent qua tonghen zijn,+
 
[W]ant sy doet dickwils bloet vergieten,
 
[E]n brenght veel menschen int ghepijn:
 
[S]y is, verstaet wel mijn,+
 
[V]ol doodelijck fenijn.
 
Een quade tonghe is seer mishandich,
 
[H]oe qualijck canse worden ghesust,+
 
[S]y is ghelijck een vyer seer brandich
 
[D]at van hem seluen niet en blust,+
 
Daer in heeft sy groot lust,
 
Wiese can maken ontrust.
 
Een quade tonghe in Landen en Steden
 
Is ouer al wel uytghebreyt,
 
+Want quaet gheclap verderft goede zeden,
 
Daer deur veel Menschen worden verleyt:
 
Want achterclap planteyt
 
Schijnt nu te wesen waerheyt.
 
+Prince wilt u tonghe wel bewaren,
 
En blijft in Gods vreese met vlijt,
 
+S'en sal u herte niet beswaren,
 
Staet ghy haer teghen in den strijt:
 
+En schickt u nae den tijt,
 
+Den Heere bevolen zijt.

Schickt u nae den tijdt. Rom.12.


Vorige Volgende

Over dit hoofdstuk/artikel

lied