De harpe, oft des herten snarenspel

Inhoudende veel stichtlijcke liedekens: nu andermael door K. van der Mander ouersien, verbetert, ende vermeerdert

Een nieu Liedt,

nae de wijse van den blinden Man.

[p. 152]

 

⁺EEnen gheboren blinden sat

 

Die voor den Tempel aelmoes bat,

 

Te Ierusalem,

 

Iesus met sijne Iongheren

 

Ginck daer voorby, die vraeghden hem.

 

Meester, wie heeft ghesondicht, hy

 

Oft sijn Ouders? hoe commet by

 

Dat hy aldus

 

Blindt is van Moeder gheboren?

 

Daer op antwoorde haer Iesus:

 

Hy noch sijn Ouders en hebben niet

 

Ghesondicht, maer dit gheschiet,

 

⁺Op dat voorwaer

 

⁺Gods wonderlijcke wercken

 

Aen hem souden zijn openbaer.

 

⁺Ick moet wercken, de wercken goet

 

Van die my heeft ghesonden vroet,

 

Soo lang alst dach

 

Is, want den nacht sal comen

 

Dat niemandt meer wercken en mach.

 

Dewijl ick in de Weerelt zy,

 

⁺Ben ick dat licht der Weerelt vry,

 

Op't Aerderijck

 

Heeft den Heere ghespoghen,

 

En maeckte van sijn speecksel slijck.

 

⁺Den Blinden smeerd' hy d'ooghen saen,

 

En dedese hem wasschen gaen

 

Tot Siloha

 

Int water van den Vijver,

 

Soo dede hy, en sach daerna.

+ Ioan.9.*

+ Ioan.9,3.

+ Ioan.11,4

+ Ioan.5,19

+ Ioan.1,9.

+ Esai.7,31.

[p. 153]

 

[D]oe spraken sijn ghebueren daer,

 

[En] is dit niet den Bedelaer,

 

[Hoe] siet hy dan,

 

[Sy] twisten onderlinghe:

 

[M]aer hy sprack dat hy was den Man.

 

[H]oe zijn u ooghen open ghedaen?

 

[De]n Mensche Iesus quam ghegaen,

 

[Sli]jck maeckte hy,

 

[En] besmeerde mijn ooghen,

 

[Na]e sijn woordt ginck ick wasschen my.

 

[S]y vraeghden hem waer Iesus was,

 

[Hy] en wist niet, op t'selue pas

 

[Gin]ghen hem siet

 

[Tot] den Phariseen leyden,

 

[Wa]nt t'was op den Sabbath gheschiet.⁺

 

[D]ie vraeghden hem oock van ghelijck,

 

[En] als hy seyde, van het slijck

 

[En] hoe hy sach,

 

[Sm]aet sy van Iesum spraken,

 

[Wa]nt hy verbrack den Sabbath dach.

 

[D]'een seyde, hy en is niet van Godt,

 

[Wa]nt hy en doet niet sijn ghebodt.

 

[D']ander sprack coen:

 

[Hoe] can een sondich Mensche

 

[S]ulcke teeckenen ghedoen?

 

[D]oe sy aldus hebben gheschilt,⁺

 

[Vr]aeghden sy wat den blinden hilt⁺

 

[Va]n Iesum maer,

 

[T'i]s (seyd' hy) een Prophete:

 

[Do]e riepen sy sijn Ouders daer.

+ Ioan.5,.

+ Ioan.3,2.

+ Ioan.7,12

[p. 154]

 

⁺Want de Ioden en wilden niet

 

⁺Gheloouen, dat het was gheschiet,

 

Dat hy was blindt

 

Gheboren, en worden siende,

 

Sy vraeghden haer: is dit u kindt?

 

Het is ons soon, dats ons ghewis,

 

En dat hy blindt gheboren is:

 

Maer hoe hy nu

 

T'gheschichte heeft ghecreghen,

 

Weten wy niet te segghen u.

 

Maer vraghet hem nae u ghevoech,

 

Want hy is nu al oudt ghenoech

 

Te doen sijn woort:

 

Aldus spraken sijn Ouders,

 

Vreesende de Ioden verstoort.

 

⁺Want de Ioden hadden seer wreedt

 

Besloten, wie Iesum beleedt

 

Voor Christum dan,

 

Die soude moeten wesen

 

Daerom ghedaen in haren Ban.

 

⁺Tot den Mensch was noch haren keer,

 

Segghende: gheeft Gode de eer,

 

Want openbaer

 

Weten wy wel dat desen

 

Mensche maer, en is een sondaer.

 

Oft hy een sondaer is oft niet,

 

Daer van en weet ick gheen bediet,

 

Maer een dinck blie

 

Weet ick, dat ick te vooren

 

Blindt ben gheweest, ende nu sie.

+ Luce,7.16.

+ Ioan.4.19

+ joan.11,57

+ Iosu.7,19

[p. 155]

 

[W]at deed' hy u, op wat manier

 

[Dee]d' hy u sien? ick hebt u schier

 

[Dae]r stracx gheseyt,

 

[Also]o dat ghy te vullen

 

[Wel] hebt ghehoort het recht bescheyt.

 

[W]at wilt ghy't weder hooren fijn,

 

[Oft] wilt ghy oock sijn Ionghers zijn?

 

[Sy] vloeckten hem,

 

[Ga]et: en zijt ghy sijn Iongher,

 

[Wy] zijn Iongheren van Moysem.

 

[W]y weten wel dat Godt seer claer

 

[M]et Moyses heeft ghesproken: maer

 

[T'i]s onghewis,

 

[Va]n desen niet met allen

 

[En] weten wy van waer hy is.

 

[D]at is doch wel een wonder dinck,

 

[Da]t ghy niet en weet sonderlinck

 

[Va]n waer hy zy,

 

[En] dat hy wonderdadich

 

[De] ooghen heeft gheopent my.

 

[W]ant wy wel weten met accoort

 

[Da]t Godt de sondaers niet en hoort, ⁺

 

[M]aer soo yemandt

 

[Go]dt vreest, en doet sijnen wille,

 

[Di]e verhoort hy aen elcken cant.

 

[V]an dat de Weerelt heeft ghestaen,

 

[En] heeft men niet ghehoort vermaen

 

[Da]t yemandt saen

 

[Ee]nen blinden gheboren

 

[De] ooghen heeft open ghedaen.

+ Ich.3,4

[p. 156]

 

Dus waer hy niet, van Gode siet,

 

⁺Hy en soude sulcx ghedoen niet:

 

Sy spraken doen:

 

Ghy zijt in zonden gheboren,

 

En wilt ghy ons hier leeren coen?

 

Sy stieten hem uyt: dit vernam

 

Iesus, en als hy by hem quam

 

Heeft hem ghevraeght:
Ghelooft ghy aen Gods Sone?

 

Wie ist, Heere? heeft hy ghevraecht.

 

⁺Ghy hebt hem ghesien onghemist,

 

En die met u nu spreeckt, die ist:

 

Hoorende dat,

 

Hy sprack: Heer, ick ghelooue,

 

Viel neder, en den Heer aenbat.

 

Tot een oordeel in s'Weerelts pleyn,

 

Ben ick comen, dat int ghemeyn

 

Die niet en sien,

 

⁺Sien souden, end' de siende

 

Self souden worden blinde lien.

 

Dees redenen, en ander meer,

 

Sprack Christus, vrienden, t'onser leer,
Laet ons ghesticht

 

In sijn gheboden blijuen,

 

Soo wandelen wy in het licht.

Een is noodich.

+ Ioan.3,2.

+ Ioan.4,26.

+ ma.13,23