De harpe, oft des herten snarenspel
(1599)–Karel van Mander–
AuteursrechtvrijInhoudende veel stichtlijcke liedekens: nu andermael door K. van der Mander ouersien, verbetert, ende vermeerdert
Op de wijse: Quamer yemandt die myer nae vraeghde, soo't betaemt, ick naemt, etc.[S]Eer vriendelijcke salutacy
Wensch ick u vriendt, door Gods gracy,
[En] bidde oock dat u Godt beware
[In] den strijdt, en bevrijdt
[Va]n quade tonghen, ende t'vyandts nijdt.
Een quade tonge die omme gaet met liste
[Di]e soeckt te brenghen ouer al in twiste:
[Ma]er wel hem die Gods woort gheloouen,
[Da]er op bout, en betrout
[Op] Godt den Heer die al ons doen aenschout.
Wie Godt betrout met reynder herten,
[Al] comter een dorre Iaer, t'sal hem niet smerten
[Wa]nt hy aen s'heylichs Gheests riuier
[Is] gheplant, met verstandt
[Ha]ndelt en wandelt in der vreden bandt.
Maer quaet geclap in grooter onvreden,
[Ve]rderft ouer al goede zeden,
[We]l salich die haer ooren sluyten,
[En] niet en hoort, quaet discoort
[Bu]yten den reghel van des Heeren woort.
Gods woordt in als geeft goede claerheyt
| |
[pagina 118]
| |
Hierom mach men maken gheen swaerheyt,
Noch oock teghen malcanderen suchten
In tweedracht, maer met macht
De liefde houden, dats ons leuens cracht.
De liefde, hooftsomme van het ghebot,
Lancmoedich, haren naesten geen quaet en doet,
Men hoortse oock nemmermeer verblijden
Van't onrecht, maer sy lecht
Haer pont te wercke aen haren naesten slecht.
Ga naar margenoot+Slecht ende recht moet ons bewaren
Godt den Heer der heyrscharen,
Dat wy in dat ghelooue blijuen
Tot den ent, ongheschent,
De croone ontfanghen in des Hemels tent.
Ga naar margenoot+Om dese croene, ist al de doene,
Ga naar margenoot+Laet ons wesen dapper ende coene:
Ga naar margenoot+Met Gods harnasch ghewapent zijnde
Om wederstaen onbelaen,
Al s'vyants schieten sal ons dan niet schaen.
Niet schaen mach oock mijn goede jonste
Aen u ghedaen, met cleynder conste,
Hope t'sal u danckelijck wesen, Soo dat ghy, oock sult my
Wesen ghedachtich, met wat schrijuen vry.
|
|