De harpe, oft des herten snarenspel

Inhoudende veel stichtlijcke liedekens: nu andermael door K. van der Mander ouersien, verbetert, ende vermeerdert

Een nieu Liedt,

nae de wijse: De Nachtegael int wilde.

[B]Eroert ben ick van binnen
[A]l in dat herte mijn,
[Als] ick gae ouersinnen
[Om] eeuwich salich zijn:
[Da]n roep ick vroech en spade,
[O] Heer wilt my behoen:
[Wa]nt sonder u ghenade⁺
[En] can ick niet ghedoen.

[V] goetheyt wil ick soecken

+ Ioan.15,6

[p. 112]

 

Heere ghenadich soet,

 

⁺Ghy laet het ons in boecken,

 

Hoe men u dienen moet,

 

Leert my dat wel slaen gade

 

⁺Mijns leuens cort saysoen,

 

⁺Want sonder u ghenade

 

En can ick niet ghedoen.

 

⁺Vader ick moet u louen

 

⁺Van uwer liefde fijn,

 

⁺Dat ghy afsondt van bouen

 

Den rechten Medecijn,

 

Om ons bevrijen van schade,

 

En met sijn woordt te voen,

 

Want sonder u ghenade

 

En can ick niet ghedoen.

 

O Heer, om mijn ghenesen

 

Die sondich was belast,

 

Zijt ghy ter doot verwesen

 

⁺Als een verlaten gast,

 

⁺Bespot, veracht, met smade

 

⁺Hinght ghy aent cruys lamoen,

 

Want sonder u ghenade

 

En can ick niet ghedoen.

 

⁺Victorieus verresen

 

⁺Sit ghy ter rechter hant

 

⁺Van u Vader ghepresen

 

⁺Op den stoel triumphant,

 

Blijf ick by uwen rade,

 

Soo blijft ghy mijn rantsoen,

 

Want sonder u ghenade

+ 2.tim.3,16

+ Luc.1,69.

+ Ioan.16,6

+ Luc.10,10.

+ Ioan.3.16

+ Rom.5,8.

+ mat.27.29

+ mat.15,16.

+ Ioan.19,1

+ Act.2,24.

+ mar.16,19

+ Act.7,56.

+ Hebr.12,2.

[p. 113]

 

[En] can ick niet ghedoen.⁺

 

Ist dat ick met u sterue,⁺

 

[So]o leu' ick met u blije,

 

[En] u lijden verwerue,

 

[So]o crijch' ick heerschappije,

 

[Gh]y seer machtich van dade,

 

[Ve]rwont als Leeuwe coen,

 

[W]ant sonder u ghenade

 

[En] can ick niet ghedoen.⁺

 

Door u barmhertichede⁺

 

[Be]n ick weder ghebaert:⁺

 

[Do]or u woordt goet van zede,⁺

 

[Te] zijn van uwen aert,

 

[Bec]leedt met schoon ghewade

 

[Nie]t nae't oude fatsoen,

 

[Wa]nt sonder u ghenade

 

[En] can ick niet ghedoen.

 

[D]it cleedt moet ick bewaren,⁺

 

[Sou]d' ick ter Bruyloft gaen,

 

[Wa]nt hy comt int beswaren

 

[Die] dat niet en heeft aen,

 

[En] verworpen als quade,

 

[Hee]re, nae u Sermoen,

 

[Wa]nt sonder u ghenade

 

[En] can ick niet ghedoen.

 

Ick bidde u, O Heere,

 

[Ver]gheeft my mijne schuldt,⁺

 

[Ick] ben ellendich teere,

 

[Heb]t doch met my ghedult,⁺

 

[Sta]et my altijdts in stade,

+ Rom.6,8.

+ 2.tim.2,11

+ 1.Pet.1,3.

+ Iac.1.18.

+ Esai.56.4.

+ 2.Pet.1,4.

+ mat.22.12

+ Mat.6,12

+ mat.18,26

[p. 114]

 

Wilt my ter deucht bevroen,

 

Want sonder u ghenade

 

En can ick niet ghedoen.

 

⁺De meest' in goede wercken,

 

Te wesen, waer my goet,

 

⁺O Godt wilt my verstercken

 

⁺Aen s'Gheests reyn watervloet,

 

Dan werd' ick schoon van blade

 

Als een Lauwerboom groen,

 

Want sonder u ghenade

 

En can ick niet ghedoen.

 

Den Helm der salichede,

 

⁺T'gheloof tot eenen schildt:

 

⁺Het zweerdt des Gheests oock mede,

 

T'Harnasch der liefden mildt,

 

Dient my wel teghen t'quade,

 

Oock t'Euangelijs schoen,

 

Want sonder u ghenade

 

En can ick niet ghedoen.

 

⁺Cond' ick nae vrede haken,

 

⁺Ende nae heylich zijn,

 

Dan soud' ickt seer wel maken

 

Dan te aenschouwen dijn,

 

⁺Sterckt my door u woordts, zade

 

⁺Om my hier nae te spoen,

 

⁺Want sonder u ghenade

 

En can ick niet ghedoen.

 

Prince, Heere der heeren,

 

S'Vaders Sone minjoot,

 

Wilt my helpen ter eeren

+ Tit.3,8.

+ Psal.1,3.

+ Iere.17,8.

+ Eph.6,17

+ 1.Thes.5,8

+ rom.12,18

+ Heb.12.14

+ Sap.2,24.

+ 1.Pet.1,23

+ 1,joan.3,9

[p. 115]

 

[Ic]k ben arm en bloot,⁺

 

[Ke]ert my der wijsheyts pade,

 

[G]hy Coninck van Sioen,

 

[W]ant sonder u ghenade

 

[E]n can ick niet ghedoen.

Par P. Trioens

+ Apo.17,14