De harpe, oft des herten snarenspel

Inhoudende veel stichtlijcke liedekens: nu andermael door K. van der Mander ouersien, verbetert, ende vermeerdert

Een nieu Liedt,

nae de wijse: O Clemine bedruckt en swaer.

IN desen tijdt fel ende stranck
⁺Hoort men suchten en karmen,
Benout door sober neeringhe kranck,
Rijcke lieden verarmen,
Onveyl is de bane, voor den Coopman vroet
Menigen Snaphane, en Roover hem doet
⁺Seer groote schade,
Te water, te land', nae lijf en goet
Hy lijden moet, Vroech ende spade.

Och Cooplieden wel voor u siet,

Dat men u niet en rooue,
Tijdtlijck goedt, en meen ick niet,

+ Eph.5,16.

+ Cor.2,8.

[p. 109]

 

[Ma]er t'costelijck ghelooue

 

[In] een consciency, oprecht ende claer,⁺

 

[Me]t een sulck intency, dat men geern waer⁺

 

[Na]er al t'beslauen,

 

[On]tslapen in Christum eerbaer,

 

[Om] rusten daer, Ter rechter hauen.

 

Voor dese hauen vele vergaen,

 

[Is]t niet een droeue sake,

 

[Al]s men veel storm heeft wederstaen,

 

[No]ch te lijden schipbrake?⁺

 

[Da]erom op de bake, laet ons mercken wel

 

[In] de laetste wake, voorsienich en snel,⁺

 

[Al]s de vailliande,

 

[Op] dat wy moghen uyt de Zee fel,

 

[Na]er veel ghequel, Comen te lande.

 

Maer ghy die quelt met onghemack

 

[Vw]en cost te ghenieten,

 

[He]t is een aengheboren pack,

 

[La]et het u niet verdrieten,⁺

 

[Ma]er snel van maniere, in den Somer tijt,

 

[Do]et ghelijck de miere, arbeydt om profijt,

 

[En] dat by desen,⁺

 

[Ho]e arm en veracht ghy zijt,

 

[Gh]y meucht door vlijt Coninghen wesen.

 

In Coninghen huysen playsant⁺

 

[W]oont die coppe onreyne,

 

[D]oor haer neersticheyt en verstant:

 

[D]us hoe arm en cleyne

 

[En] gheeft niet verloren, het betrouwen dijn,

 

[Te]r weerelt vercoren zijn, voor Gods aenschijn

+ 1.Tim.1,19

+ 1.Tim.3,9

+ 1.tim.1,19

+ Luc.12,38.

+ Syr.7,16.

+ Pro.20,4.

+ pro.30,28.

[p. 110]

 

D'arme beseuen

 

⁺Die rijcke int ghelooue zijn,

 

Erfghenaem fijn, Des Rijcx verheuen.

 

Zeylende nae't verheuen Rijck,

 

⁺Neerstich in goede wercken,

 

⁺En doet der waerheyt gheen afwijck,

 

Op dat compas wilt mercken

 

Want om Schips verslinden, waeyen meer en meer

 

⁺Schalcke valsche winden, alle menschen leer

 

Och wilt ons senden

 

Tot eenen Stierman t'allen keer,

 

Vwen Gheest, Heer, om wel te enden.

 

⁺Paulus wesende t'eynder vaert,

 

Sijns leuens pelgrimagie,

 

Verblijdd' hem, dat hy hadde bewaert

 

T'gheloof, en dat de gagie

 

Van Gods hant ydoone, hem was toegeleyt

 

Die eeuwighe croone, der gherechticheyt,

 

Broeders volheerdich

 

⁺Om vollen loon neerstich arbeyt,

 

Aen't eynde leyt, Den prijs seer weerdich.

 

Daer zijnder die van rijckdom groot,

 

⁺Veel rommen en vermeten,

 

Maer zijn arm, naeckt ende bloot,

 

Het welck sy niet en weten,

 

⁺Mijdt ijdel berommen, o Christen ghetal,

 

⁺En wilt u rijckdommen, van hier vluchten al

 

In s'Hemels eruen,

 

⁺Want dese Stadt der Weerelt sal

 

⁺Met grooten val, Vyerich bederuen.

+ Iac.2,9.

+ Rom.2,7.

+ Tit.3,8.

+ Eph.4,14.

+ 2.Tim.4.7

+ 2.joan.1,9

+ Apoc.3,17.

+ 1.Cor.1,29

+ 1.Cor.3,21

+ 2.Pet.3.11

+ Apoc.18,8

[p. 111]

 

Dan sullen veel Cooplieden slecht

 

[Ha]er jammerlijck beclaghen,⁺

 

[Di]e in Esaus moes-gherecht

 

[N]u hebben sulck behaghen,

 

[Da]t sy niet en vraghen, nae Petrus verhael,⁺

 

[Om] de goede daghen, te sien principael⁺

 

[In] d'ander Weerelt,⁺

 

[Di]e claer sal blincken altemael

 

[Gh]elijck Cristael, Schoone bepeerelt.

 

In die schoon Princelijcke stadt

 

[W]erden rijcke bevonden,

 

[Di]e haer herte met haren schat⁺

 

[Al]daer hebben ghesonden,⁺

 

[En] hier niet en sorghen, als Heydenen sot,⁺

 

[M]aer hebben verborgen, haer leuen in Godt⁺

 

[On]s al gheschiede

 

[Va]n den Heere sulck salich lot

 

[Bi]dd' ick voor't slot, Van mijnen liede.

Een is noodich.

+ Gen.25,32 ende 27,38

+ 1.Pet.3,10

+ Psa.34,13

+ Apo.21,18

+ mat.6,20.

+ Luc.12,33.

+ 1.tim.6,19

+ Colos.3,4.