De harpe, oft des herten snarenspel

Inhoudende veel stichtlijcke liedekens: nu andermael door K. van der Mander ouersien, verbetert, ende vermeerdert

Een nieu Liedt,

op de wijse: Copken set op u jente hayren.

DEn Wijn die edel Creatuere
⁺Van den Schepper ghemaeckt tot blijschap soet,
Als men hem matelijck drinckt puere,
⁺Ziele ende lijf hy verblijden doet,
Angst, druck en sorge drijft hy uyt t'gemoet,
⁺Maer ouervloedt te veel ghedroncken wijn

+ Iude,9.13

+ Syr.32,9.

+ 3.Es.3,20.

[p. 73]

 

[D]oet hy s'Menschen herte verdriet en pijn,⁺

 

[W]ant door den wijn, vele verdoruen zijn.

 

Waer is wee, leet, twist, ende claghen

 

[S]onder oorsake, wonden, ooghen root,

 

[V]an daer men sit in wijn ghelaghen,⁺

 

[E]n al uytsuypt, wat men daer in schenckt bloot,⁺

 

[E]n siet hem niet aen, om sijn schoonheyt groot,⁺

 

[Al] is hy root int glas of cristalijn,

 

[H]y steeckt ghelijck een Slanghe, vol fenijn,

 

[W]ant door den wijn, vele verdoruen zijn.⁺

 

Den wijn doet sien des menschen oogen⁺

 

[N]ae ander Wijuen, t'hert is in den mont,

 

[E]n spreeckt dinghen die niet en dooghen,

 

[T']Sweert om te vechten crijgen sy terstont,⁺

 

[Vr]ientschap en trouwe, moet al en den gront

 

[D]aer wert gewont, en genblaut int aenschijn⁺

 

[Hi]er om en is de dronckenschap niet fijn,

 

[W]ant door den wijn, vele verdoruen zijn.

 

Van Noë en Loth, wy wel weten,

 

[W]at dat haer is gheschiet door des wijns cracht⁺

 

[En] Benhadad droncke gheseten,⁺

 

[He]eft sijn vyanden te cleyne gheacht,⁺

 

[Ho]lophernes, Prince van grooter macht,⁺

 

[Dr]onck' en versmacht, lach hy gelijck een swijn,

 

[Ee]n Wijf versloech hem binnen der gordijn,⁺

 

[W]ant door den wijn, vele verdoruen zijn.

 

[A]ssuerus en Haman beyde,

 

[Sa]ten en droncken te Susan op't slot,⁺

 

[T']wijlen Israel treurd' en schreyde,

+ Syr.32,11.

+ Syr.32,6.

+ Pro.23.29

+ Esai.5,11.

+ Syr.32,6.

+ Pro.23,32

+ 3.Esd.3,22

+ Syr.32,12

+ Syr.23,6.

+ Gen.9.21.

+ Gen.19,33

+ 3 Reg.20.16

+ Iudi.13,4. ende 13,10.

+ 1.Hest.3,15

[p. 74]

 

Maer den Tyran Haman die creech sijn lot,

 

⁺Desghelijcx oock Nabal den droncken sot,

 

⁺Doe hem sloech God, tot sijns herten verdwijn

 

Wert als een steen en starf eer lanc termijn,

 

⁺Want door den wijn, vele verdoruen zijn.

 

⁺Ammon die Thamar violeerde,

 

⁺Absaloms knechten quaemen hem verslaen

 

⁺Daer hy in den wijn bancketeerde,

 

Soo Symon met sijn sonen werdt gedaen:

 

Balthasar en is Gods handt niet ontgaen,

 

Den soeten traen, uyt de vaten deuijn,

 

⁺Dranck hy met menich Vorst, en Concubijn

 

Want door den wijn, vele verdoruen zijn.

 

⁺De Priesters was den wijn verboden,

 

⁺Als sy ginghen in de Hutte playsant,

 

⁺Veel wijns drincken moet zijn ghevloden

 

⁺Van den Leeraers, en ooc elck Christen, want

 

De dronckaerts moeten ballinc blijuen, vant

 

⁺Beloefde Landt, Gods Rijcke celestijn,

 

⁺Dus weest sober, en waeckt, nae Schrifts doctrijn,

 

⁺Want door den wijn vele verdoruen zijn.

 

 

 

⁺Den aenhanck.

 

⁺Niet te veel, is eel, houdt reghel en maet,

 

Ghenoech is wel, maer ouerdaet, is quaet,

 

Een teuchsken is goet dat den dorst verslaet

 

Het conforteert, en t'smaeckt soo delicaet.

Een is noodich.

Als ick dit Liedt hadde voldaen // hier,

Was t'oude Iaer 90 vergaen // schier.

+ 1.Hest.7,10

+ 1.Re.25,36

+ 1.Re.25,37

+ Syr.32,6.

+ 1.Re.13,14

+ Reg.13.29

+ Mach.16,16.

+ Dan.5,30.

+ Dan.5,1.

+ Syr.32,6.

+ Leuit.10,9

+ Eph.5,18.

+ Tit.1,7.
1.Cor.6,10

+ Gal.5,21.

+ 1.Pet.5,8.

+ Syr.32,6.