De gulden harpe, inhoudende al de liedekens, die voor desen by K.V.M. gemaeckt, ende in verscheyden Boecxkens uyt-ghegaen zijn
(1627)–Karel van Mander–
Auteursrechtvrijna de wijse: Hy mach wel vrolijck wesen, etc.
SIet hoe fijn, end' hoe lieflijck mede,
Ende hoe ghenoechlijck ist,
| |
[pagina 539]
| |
Dat Broederen in vrede
Woonen met eendrachtichede
By malkanderen sonder twist.
T'is ghelijck als de vermaerde
Balssem, kostelijck en goet,
Die vloeyt als d'onghespaerde
Vanden hoofde inden baerde,
Ia den baerdt van Aaron soet.
Die daer van boven verheven
Tot in zijn kleedt afvloeyt:
Ghelijck den dauw bekleven,
Die van Hermon daelt ghedreven,
En de berghen Zyons besproeyt.
Want de Heere onversweghen,
Die belooft te gheven aldaer
Synen troostelijcken zeghen,
End' het leven al te deghen
In der eeuwichteyt eenpaer.
Een is noodigh. |
|