Dat hooghe liedt Salomo, met noch andere gheestelycke liedekens
(1595)–Karel van Mander–
Auteursrechtvrij
[pagina 17]
| |
Werwaert ghekeert, op welcke baen
Is uwen vrient? want om beclijven
Willen wy sonder achterblijven,
Met u hem soecken, om vinden:
In sijn hofpleyn// kruydt-boskens reyn,
Is neder ghegaen mijnen beminden.
Dat hy hem in de hoven fijn
Soude weyden, en roosen lesen,
Mijn lief is mijn// en ick ben sijn,
Onder den roosen weydet desen:
Schoon als Thirza vriendin' ghepresen
End' als Jerusalem de stede, Ga naar margenoot+
Lieflijck zijt ghy// vreeslijck daer by,
Als een scherpte des Heyrcrachts mede. Ga naar margenoot+
Keert uwe ooghen van my, want
Sy doen my vyericheyt oorboren,
V hayren schoon ende playsant,
Als een kudde Geyten vercoren,
Op den bergh Gilead gheschoren
V tanden oock my wel aenstaende,
Die zijn als een schaeps-kudde reen, Ga naar margenoot+
Die uyt den wassche comen gaende. Ga naar margenoot+
Tweelinghen draghend' altemael, Ga naar margenoot+
Daer onvruchtbaer gheen en is onder,
V wanghen zijn ghelijck een schael
Van den Granaetappel bysonder,
Tusschen u vlechten schoon te wonder,
Tot tsestich zijn de Coninginnen,
Tachtentich zijn// byslapers fijn,
| |
[pagina 18]
| |
Ga naar margenoot+ Ontallijck die Meyskens vriendinnen,
Ga naar margenoot+ Maer een is mijn Duyve bemindt,
Ga naar margenoot+ Mijn vrome, eene generalich
Ga naar margenoot+ Is haer Moeder het liefste kindt
Wtvercoren, jae principalich,
Die Dochteren presentse salich,
Doen sy haer saghen verschijnen,
Oock loefden haer// in 't openbaer,
Coninginnen en Concubijnen.
Ga naar margenoot+ Wie ist die als een dagheraet,
Ga naar margenoot+ Schoon als die Mane voortcomt daerlijck
Wtvercoren seer delicaet,
Ghelijck de Sonne openbaerlijck,
Als een heyrscherpte vervaerlijck,
Neder tot mijnen noot-hof gaende,
Daeld' ick midtsdien// ick wilde sien,
Die struycxkens aen die Beke staende.
End' of den Wijnstock ghebloeyt zy,
Of oock groenden d'appels Granaten,
Mijn Ziel wist niet, dat hy had my
Tot waghen Aminidab ghelaten,
Keert weder Sulamith t'uwer baten,
Keert dat wy u sien sonder beyen,
Wat siet ghy an// Sulamith dan,
Tot Mahanaim dat reynen?
|
|