Troost der siecken ende overleden

Doxologiae XII. seu Gratiarum actiones in vitam & passionem Christi.

Doxologia I.

Adoro, laudo, & glorifico te, tubiq́ue gratias ago, ô Fili Dei viui, Iesu dulcissime: qui ex purissimo atque ardentissimo mei amore carnem humanam & sernilem for-

[p. 152]

mam assumpsisti. O admiranda & suauis misericordia! Tu Deus meus factus es frater meus, vt me redimeres, & ad laudatissimum regnum tuum reduceres. Tu Deus meus propter me factus es homo, factus es paruulus pusio, & nouem mensibus requieuisti in castissimo beatae Mariae virginis vtero. Suauis Iesu, recordare, quaeso, pietatis & charitatis tuae; recordare magnae indigentiae meae, & miserere mei. Sanctifica per dignissima membra tua, omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum. & nomen Matris tuae, benedictum in saecula, Amen.

[p. 153]

Doxologia II.

ADoro, laudo, & glorifico te, tibiq́; gratias ago, o Iesu Fili Dei viui, Iesu dulcissime: qui dignatus es propter me tener infantulus in stabulo nasci, frigoris asperitatem tolerare, panniculis inuolui, in paesepio reclinart, super foenum & stipulas iacêre, virgineisq́ue vberibus lactari. Dignatus es pauper & egenus fieri, vt me diuitem faceres. Ecce procido in spiritu ante sanctum tuum praesepium, & rursum te adoro Dominum meum Regem Angelorum. Aue puer amabilis, Deus excelse, Iesu suauissime: aue Princeps pacis, lux gentium, Saluator desiderabilis. Suauis Iesu, recordare, quaeso, pietatis & charitatis tuae; recordare magnae indigentiae meae, & miserere mei. Sanctifica per dignissima membra tua, omnia mem-

[p. 154]

bra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum, & nomen Matris tuae, benedictum in saecula, Amen.

Doxologia III.

Adoro, laudo, & glorifico te, tibiq́ue gratias ago, ô Fili Dei viui, Iesu dulcissime: qui octauo à natiuitate tuâ die circumcises es, & fudisti purissimum Sanguiné tuum propter me. Deinde Gentibus reuelatus es, quando Magi stellâ duce te perquisierunt, & ingenti gaudio perfusi venerunt in Bethleem, ibiq́ue te inuentum adorauerunt, ac munera tibi obtulerunt. Postea in templo praesentatus, atque ho-

[p. 155]

stiâ pauperum redemptus fuisti, vbi iustus Simeon & Anna prophetissa multùm de tuâ praesentiâ laetati sunt. Exinde fugisti, & deportatus es in AEgyptum, ac paupertatis incommoda sustinuisti. Humiliter te submisisti Mariȩ & Ioseph, eisque promptè obediuisti, cùm esses Rex regum & Deus omnipotens. Suauis Iesu, recordare, quaeso, pietatis & charitatis tuae; recordare magnae indigentiȩ meȩ, & miserere mei. Sanctifica per dignissima membra tua, omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum, & nomen Matris tuae, benedictum in saecula, Amen.

[p. 156]

Doxologia IV.

Adoro, laudo, & glorifico te, tibiq́ue gratias ago, ô Fili Dei viui, Iesu dulcissime: qui, vt excellenter doceres virtutem sanctae humilitatis, perrexisti ad seruum tuum Ioannem, baptisma poenitentiae peccatoribus conferentem. Voluisti ab eo baptizari in Iordanis flumine, tu qui nullam vmquam peccati maculam contraxisti. Post baptismum ieiunasti quadraginta diebus & quadraginta noctibus, habitans cum feris in deserto. Non dedignatus es tentari à diabolo causá salutis meae. Suauis Iesu, recordare, quaeso, pietatis & charitatis tuae; recordare magnae indigentiae meae, & miserere mei. Sanctifica per dignissima membra tua, omnis membra mea. Da mihi plenam peccatorum veniam, & spiritum

[p. 157]

bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum, & nomen Matris tuae, benedictum in saecula, Amen.

Doxologia V.

Adoro te, laudo, & glorifico te, tibiq́ue gratias ago, ô Fili Dei viui, Iesu dulcissime: qui regnum caelorum annuntiando, infirmos curando, mortuos suscitando, innumeraq́ue signa patrando, suauiter: cum hominibus conuersatus es, & consolationem misericorditer eis prȩstitisti. Tu propter me labores, ȩrumnas, & persecutiones varias triginta tribus annis mitissimo corde tolerasti. Verbo & exemplo me plenissimè docuisti, quomodo iustè sancteq́ue viuere debeam. Suauis Iesu, recordare, quaeso, pie-

[p. 158]

tatis & charitatis tuae; recordare magnae indigentiae meae, & miserere mei. Sanctifica per dignissima membra tua omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humiliatem resignationem, patientíam, charitatem, & ceteras amabiles virtutes tuas. Fac ut tibi placeam. Sit nomen tuum, & nomen Matris tuae, benedictum in sȩcula, Amen.

Doxologia VI.

Adoro, laudo, & glorifico te, tibiq́ue gratias ago, ô Fili Dei viui, Iesu dulcissime: qui positis genibus pedes discipulorum tuorum humiliter lauisti, eosq́ue linteo, quo eras prȩcinctus, extersisti: ac deinde suauissimá atque inenarrabili charitate venerablile Sacramentum Eucharisiȩ instituisti, te-

[p. 159]

ipsum in illo nobis relinquens. O admirabile mysterium! Verè, si quis, opitulante gratiâ tuâ, aliquatenus pro modulo fragilitatis humanae peruestigaret intellectu, ex quanto amore hoc opus stupendum feceris, omnino cor illius lique fieret, & conflagraret dilectionis incendio. Suauis Iesu, recodare, quaeso, pietatis & charitatis tuae; recordare magnae indigentiae meae, &miserere mei. Sanctifica per dignissima membra tua omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum, & nomen Matris tuae, benedictum in sȩcula, Amen.

[p. 160]

Doxologia VII.

Adoro te, laudo te, glorifico te, tibiq́ue gratias ago, ô Fili Dei viui, Iesu dulcissime: qui non recusasti pro me maximâ tristitiâ affici, sudore sanguineo prae angustiis suffundi, irreuerenter ab impiis comprehendi, ignominiosè vt malefactor & latro ligari, sicq́ue ligatus ad Pontificem duci, iniustè damnari, sputis turpiter foedari, colaphis & alapis inhumaniter caedi, ludibriosè velari, vexari, subsannari, blasphemariq́ue; coram Pilato Praeside profano sisti, & ibi falsò accusari, inde ad Herodem pertrahi, & ab eo sperni, stultus haberi, albaq́ue & ridiculâ veste indui. O quàm dura atque indigna fuerunt ista, quae tu Rex gloriae pro me mitissimè & sine murmure pertulisti! Suauis Iesu, recordare,

[p. 161]

quaeso, pietatis & charitatis tuae; recordare magnae indigentiae meae, & miserere mei. Sanctifica per dignissima membra tua, omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum, & nomen Matris tuae, benedictum in saecula, Amen.

Doxologia VIII.

Adoro, laudo & glorifico te, tibiq́ue gratias ago, ô Fili Dei viui, Iesu dulcissime: qui voluisti pro me in praetorio dedecorosè nudari, ad columnam inclementer ligari, flagris crudelissimè conscindi, proprio sanguine largiter perfundi, chlamyde coccineâ illusoriè vestiri, a cutis spinis cruciabiliter coronari, vulnerari-

[p. 162]

q́ue, ab iniquis contemptibiliter illudi, arundine ferociter percuti, putentibus sputis indecenter aspergi, & alapis atrociter caedi. Suauis Iesu, recordate, quaeso, pietatis & charitatis tuae; recordare magnae indigentiae meae, & miserere mei. Sanctifica per dignissima membra tua omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum, & nomen Matris tuae, benedictum in saecula, Amen.

Doxologia IX.

Adoro, laudo, & glorifico te, tibiq́ue gratias ago, ô Fili Dei viui, Iesu dulcissime: qui dignatus es pro me morti adiudicari, voluntati-

[p. 163]

q́ue Iudaeorum tradi: dignatus es grandi trabe crudis grauiter onerari, & pergendo ad Caluariae locum intolerabiliter affligi; manus & pedes diris clauis perterebrari cruciq́ue affigi; tribus horis acerbissimos dolores in ligno crucis perpeti, acerrimâ siti cruciari, felleq́ue & acetpotari, ac tandem pretioso Sanguine prorsus effuso, mori. Sic me redemisti, ô amabilis Iesu, sic debita mea dissoluisti, & peccata expiasti, ex amore purissimo. Suauis Iesu, recordare, quaeso, pietatis & charitatis tuae; recordare magnae indigentiae meae, & miserere mei. Sanctifica per dignissima membra tua omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt

[p. 164]

tibi placeam. Sit nomen tuum & nomen Matris tuȩ, benedictum in sȩcula, Amen.

Doxologia X.

Adoro, laudo & glorifico te, tibiq́ue gratias ago, ô Fili Dei viui, Iesu dulcissime: qui pro me passionem amarissimam & mortem ignominiosissimam pertulisti. O! quantam dilectionis dulcedinem, quantam virtutum lucem in ipsâ passione tuâ mihi demonstrasti! Cùm despicereris, irridereris, maledicereris, saeuissimeq́ue tractareris & crucifigereris, tu mitis atque innocens Agnus Dei non aperiebas os tuum ad conquerendum; sed omnia tranquillo animo ferens, orabas Patrem pro illis ipsis qui te persequebantur, tormentisq́ue afficiebant. Suauis Iesu, recordare, quaeso pietatis & charitatis tuae; recordare magnae indigentiae meae, & miserere

[p. 165]

mei. Sanctifica per dignissima membra tua, omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum, & nomen Matris tuae, benedictum in saecula, Amen.

Doxologia XI.

Adoro, laudo, & glorifico te, tibiq́ue gratias ago, ô Fili Dei viui, Iesu dulcissime: qui voluisti corpus tuum sanctissimum lassari, affligi, vulnerari, mori, & sepeliri pro salute meâ. Ego illi honorem exhibeo, quâ possum deuotione. Aue corpus Redemptoris mei purissimum, aue templum Diuinitatis venerandum, salue delicata membra Domini mei, propter me variis la-

[p. 166]

boribus, & tormentis attrita. Suauis Iesu, recordare, quaeso pietatis & charitatis tuae; recordare magnae indigentiae meae, & miserere mei, Sanctifica per dignissima membra tua omnia membra mea. Da mihi plenam peccatorum veniam, & spiritum bonum. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam. Sit nomen tuum, & nomen Matris tuae, benedictum in saecula, Amen.

Doxologia XII.

Adoro, laudo, & glorifico te, tibiq́ue gratias ago, ô Fili Dei viui, Iesu dulcissime: pro beatis illis quinque Vulneribus, quae in glorioso corpore tuo retinere voluisti. Ego illa humiliter veneror, vt possum. Auete fulgentes & mellifluae plagae Regis mei, auete praeclara si-

[p. 167]

gilla salutis meae, salue totius beatitudinis gazophylacium, cor Amatoris mei suauissimum; pro me vulneratum. Suauis Iesu, recordare, quȩso, pietatis & charitatis tuae; recordare magnȩ indigentiae meae, & miserere mei. Sanctifica per dignissima membra tua omnia membra mea. Reconde me in ipsis roseis Vulneribus tuis, ibique animam meam tui amore inebria. Da mihi plenam peccatorum veniam, & spiritum bonom. Da vt pro modulo meo imiter tuam humilitatem, resignationem, patientiam, charitatem, & ceteras amabiles virtutes tuas. Fac vt tibi placeam, Sit nomen tuum, & nomen Matris tuae, benedictum in saecula, Amen.